Infiniti C (已結業)

香港嘅咖啡店一到假日，总系人头涌涌，所谓慢活，只限平日。可惜我地都系周末先有时间周围行下，落住微雨黎到西环，cafe门外有几组人等位。位置唔多，粉蓝色外墙白色装潢，优雅舒适，靠窗位置采光度高，云石杯垫、餐纸都好靓店员服务殷勤有礼，我谂要平日黎，冇咁多人，可以食得自在啲。餐牌选择颇多，意粉、多士、沙律、窝夫、蛋糕等，适合素食者或对麸质敏感嘅人。有少部份白肉食物，基本上餐牌都有标示；甜品自家制，卖相吸睛，定价$46-62。Earl Grey Cream Cake $62 Charcoal Hojicha Cake $62洗版度最高嘅伯爵茶蛋糕，富层次感，以忌廉相隔，蝶豆花天然染色、食用花装饰，卖相精美，相机食先满分 。市面上好多无麸质甜品都做得出色，呢件都唔例外，我自己就分唔到喇蛋糕体轻盈松绵，带湿润度，淡淡伯爵茶香，夹层忌廉滑溜， 可以一试，只系稍为甜啲。全黑色造型嘅系竹炭焙茶口味，同样无麸质，蛋糕轻身，饱腹感唔高，可惜茶味薄弱。Blue Earl Grey Latte $50 同伯爵茶蛋糕凑成一对嘅拿铁，拉花以外，仲加左伯爵茶叶同食用花装饰，靓！