香港華商銀行公會 (裝修中)

第一下听我朋友话我去依间餐厅个阵，我都问号咗一下，因为听落去实在太唔似中菜馆。原来佢系中环行上兰桂坊条路上嘅一间会员制嘅餐厅，环境舒适。我哋点咗芥末小云耳，开胃清爽，有微微嘅辣味。香炸墨鱼丸食到粒粒墨鱼粒同爽口弹牙嘅鱼胶，鲜味十足，唔洗点嘢都够哂未。之后我哋要咗每人一分香茜皮蛋龙𧄌豆腐汤，汤呈奶白色，鱼香，清甜顺口。咖哩牛根腩煲嘅薯仔好好味，外脆内软，牛腩同根都煲得好冧，淡淡椰香，忌廉般顺滑。杞子圆肉浸菜苗真材实料，圆肉甜美，配上上汤浸鲜蔬，正气下火。最后一道鲜荷叶饭，有虾粒同其他食材，淡淡香气，份量十足。食到最后我哋已经好饱，否则有得拣唔同嘅糖水，包括绿豆莎、芋泥布甸同甜馅嘅包。