茶館

营业中

休息中

今日下午茶时间到石硖尾茶馆食嘢，2:00落单，到2:32先出餐，仲要系出错餐。叫咗个餐肠通同菜远排骨河，成半个钟后先出餐，仲要出错咗叉烧河，同佢讲完，睇埋单系佢错，佢拎咗碟嘢行咗一枱就返转头话下午茶餐牌转咗，你食唔食得？ 态度差都算，餐牌转咗我都冇法，咪照食啰，点知冇几耐隔篱枱就出错咗排骨河，又系咁样问，出餐𠮶边大嗌出嚟话叉烧系64，排骨系61，好嘢，原来系出错餐，个职员又系照板煮碗问出错排骨𠮶枱客，又叫𠮶枱出错嘅照食。 我叫个职员埋嚟同佢讲，点解佢头先话餐牌转咗，原来系出错，佢话咁你话照食冇问题嘛，冇问题咪得啰！我话你讲餐牌转咗我梗冇得要求一定要返排骨，而家系你哋出错仲要话转餐牌，个职员讲句佢新嚟就直接行开完全唔回应我，当冇事发生。 一枱系咁另一枱又系咁处理，个餐牌随心嘅，唔知以为食紧”Omakase”，我就唔会再去食！想食嘅就自己体验，祝君好运！