刕舙馫麵館 (已結業)

下昼要返学，但学校canteen质素认真麻麻，所以约咗同学去红磡食个午饭先。经过佛光街见到呢间面馆，佢𠮶名我完全唔识读，加上平日好少食刀削面，决定入去试吓。面馆只提供一款面，就系刀削面。每一款都系麻辣（当然可以走辣），唔知食完我𠮶嘴会唔会好似餐牌咁红。我叫咗麻辣口水鸡刀削面加水饺。估唔到口水鸡系分开呈上，而且份量都几多，起码有四五件。口水鸡带麻香，但唔会太辣。面条厚度均等，软硬适中，入口烟韧。汤底一啲都唔油腻，非常清甜。另外，水饺系白菜猪肉，系我最钟意嘅水饺馅料之一。另外仲叫左糖心蛋，半熟既蛋白令人垂涎欲滴。麻辣香味太突出，难怪餐厅名字包括「馫」一字，重要嘅事要讲三次！香！香！香！比起其他面条，我更喜爱刀削面嘅口感，刕舙馫已经成为我既canteen。