千里屋食堂 (已結業)

和友人的开年饭，祈求大家工作顺利、身体健康。行经骆克道，见到一间食牛肉饭新开的店，就入去试下。新开张有优惠啊。店2月头先开，印象中路过呢间但好多人排队，今次因为早左lunch，加上星期一，唔使等位就入座。坐低已送上热水，虽然天气不太冻，但呢样我觉服务几好。餐牌都是牛，点了安格斯牛肉饭，另一个系特别餐单，牛肉牛筋饭。惊唔够饱，安格斯那个叫了Mega。大细分正常、Mega同Giga。等冇耐就有得食，跟餐有个猪肉味噌汤，有片猪肉，汤几好味。至于两个餐，来到时唔系好分到边碗系边个餐，大细正常同Mega好似一样咁，可能饭量𠮶度唔同。安格斯那个都有牛味，不过有些靭；而牛肉牛筋那个，有D好似牛腩同埋似煲完汤的肉咁。可能我少食牛肉饭专门店，话唔定呢D先正宗。枱面有枝酱油，系麻油再加唔知乜野汁，点牛黎食几好味，似韩烧食野点的酱汁。开年饭，食好D，呢间叫做一般，唔难食但又唔算好出色。份量就一定够食，正常Size都够。至于牛肉嘛，我真系唔系好分到个分别，安格斯牛肉，我期望系更有肉味同唔靭，好明显今次食的唔系咁。有期望就有失望，食野，都系随心好D，话唔定会喜出望外。