影片
更多
2018-04-29
417 浏览
家庭聚餐，因為之後要出 trip，順手預祝埋母親節。唔想過海食辣蟹，見到有優惠，過來試吓。地點都唔易搵，的士司機都有啲疑惑。好不容易找到了，店在1樓，要行一條好斜好窄嘅樓梯⋯⋯ 後來發現其實係可以搭停車場𨋢嘅。地區小店格局，勝在擺位唔會太逼又多大檯 —— 呢個咁卑微嘅要求喺香港變得越來越奢侈。點左好多餸，冇續一影相。重點係個避風塘炒蟹+龍蝦（正價$988）。唔知點解個蟹同龍蝦都唔係好入味，啲炸蒜係好辣嘅，啲肉就唔係好夠味。5個大人最後都食唔晒呢碟嘢。其他菜色有桌頭，但係效果一般。- 脫衣瀨尿蝦（將瀨尿蝦起肉，舊肉加粉炸左佢，類似天婦羅），結果肉乾而無味。- 黃金流沙蝦球（厚厚的鹹蛋黃加麵包糠包住舊蝦球炸左佢），又係有啲皮還皮，肉還肉咁。有啲嘢真係唔懶得，黃金蝦都係連殼好啲。- 椒鹽鮮魷，又係無乜味，可能跟碟椒鹽、喼汁會好啲。- 豉汁炒蜆，都係唔入味，另外一上碟就有幾隻凍嘅，唔明。- 個湯就唔錯（花膠雞湯）。好濃，好足料。湯渣都一大碟。最正，係個炒麵！呢個真係要讚！！炒麵係用銀絲麵（angel hair 咁上下幼），口感較細膩。炒出來夠鑊氣，用蟹油（即是炒過蟹的油）炒特別香，跟一碟辣醬非
唔想過海食辣蟹，見到有優惠，過來試吓。地點都唔易搵，的士司機都有啲疑惑。好不容易找到了，店在1樓，要行一條好斜好窄嘅樓梯⋯⋯ 後來發現其實係可以搭停車場𨋢嘅。
地區小店格局，勝在擺位唔會太逼又多大檯 —— 呢個咁卑微嘅要求喺香港變得越來越奢侈。
點左好多餸，冇續一影相。重點係個避風塘炒蟹+龍蝦（正價$988）。
唔知點解個蟹同龍蝦都唔係好入味，啲炸蒜係好辣嘅，啲肉就唔係好夠味。5個大人最後都食唔晒呢碟嘢。
其他菜色有桌頭，但係效果一般。
- 脫衣瀨尿蝦（將瀨尿蝦起肉，舊肉加粉炸左佢，類似天婦羅），結果肉乾而無味。
- 黃金流沙蝦球（厚厚的鹹蛋黃加麵包糠包住舊蝦球炸左佢），又係有啲皮還皮，肉還肉咁。有啲嘢真係唔懶得，黃金蝦都係連殼好啲。
- 椒鹽鮮魷，又係無乜味，可能跟碟椒鹽、喼汁會好啲。
- 豉汁炒蜆，都係唔入味，另外一上碟就有幾隻凍嘅，唔明。
- 個湯就唔錯（花膠雞湯）。好濃，好足料。湯渣都一大碟。
最正，係個炒麵！呢個真係要讚！！炒麵係用銀絲麵（angel hair 咁上下幼），口感較細膩。炒出來夠鑊氣，用蟹油（即是炒過蟹的油）炒特別香，跟一碟辣醬非常惹味，再夾小小炒蟹的炸蒜撈來食，好味！
自帶 Beaujolais 紅酒，輕盈冰凍，送濃味菜色其實非常夾。小店不收開瓶費，提供合格的酒杯。
臨走先發覺，原來呢間同尖沙嘴翠林辣蟹坊係同一老闆。呢間係原祖。但係全檯人都覺得尖沙咀好食好多。唔知係咪精英班底過晒去？
不過最後都要俾好評：店裏由兩個22、3歲的年輕人主理（聽到係老闆個女同佢男朋友），服務很用心、有禮。依家年輕人仲肯幫手搞家庭生意，算係好乖。
埋單有優惠 $1400，5大1細來講價錢 very good！
张贴
