禮三井日本料理

营业中

休息中

以前(未装饰)都几钟意到此吃晚饭，因为可用超值价钱品尝不错的食物；但今晚呢餐真系劲失望。价钱就加咗，质素却差了很多。平时食日本嘢我会边叫边吃，今次也不例外；首先试了三文鱼手卷；啲三文鱼融融烂烂一挞咁；重要湿"立立"，上面加啲芝麻；块紫菜又厚又难梽 ，都唔知想点，第一道菜已经0分。跟住上咗个烧牛肉饭，原本啲牛肉都ok，弊在淋咗啲唔知セ嘢汁，劲甜中又带一点咸，食唔到牛肉香味；大佬呀！成六十蚊一碗；吉野家三十蚊碗会好食得多啰。又系0 分。跟住系盐烧秋刀鱼，条鱼都算大条，但系无㓥到，连埋啲内脏一齐烧，食嘅时候要好小心，要分开啲鱼肠鱼肝先，但你都会食到有啲苦味；唉！谂起都唔开胃，结果只吃鱼尾部份罢了。最后食南瓜蕃薯天妇罗，有一旧我几乎咬磞牙，点解炸到咁硬，想杀死人咩.......跟住即刻埋单，唔敢再点其他；亦唔会再有下次。