影片
更多
2016-09-28
3587 浏览
今晚嚟到Casa Fina，目的之一就喺叹生蚝，不过，朋友推介佢嘅原因，就喺佢哋煮嘅欧陆菜亦有一手。比起好多食厦，亨利中心比较无咁杂，进驻嘅餐厅亦属中高档，所以，排队等电梯都无混乱嘅场景出现。虽则话餐厅占足大厦全层，不过，大厦本身唔喺好大，所以餐厅嘅面积都唔喺好大，但侍应唔少，故服务都好妥贴。一入门口就见到厨房，不过就隔住块玻璃，蚝吧、师傅做菜就在眼前。（注：环境比较幽暗，小弟啲环境相影得有啲蒙，请见谅。）室内装潢型格，晌柔和嘅灯光下，环境就极富情调，设计上用上一啲通花屏风间隔出唔同区域，稍稍加强少少私隐度。而每个座位都加垫咕臣，坐得人颇舒服，整体感觉轻松自在。先介绍吓主餐牌，类别分咗冷盘、热盘、汤品、意大利饭、意大利面、主菜及甜品，所以，唔食海鲜一样有不少选择。另备有酒餐牌，香槟、红酒、白酒……等近30款餐酒。既然蚝吧喺主打之一，海鲜及生蚝固然选择多多，从餐牌所见，足有15款生蚝，6款冻海鲜，当然，当日确实有咩时令嘢提供，则需要问问店员。而生蚝嚟自世界各地，如美国、南非、爱尔兰、西班牙、法国等地，定价$58-$78，依家仲买一送一，非常抵食。此外，如一次过想多试生蚝及冻海鲜，又钟意衬
虽则话餐厅占足大厦全层，不过，大厦本身唔喺好大，所以餐厅嘅面积都唔喺好大，但侍应唔少，故服务都好妥贴。一入门口就见到厨房，不过就隔住块玻璃，蚝吧、师傅做菜就在眼前。（注：环境比较幽暗，小弟啲环境相影得有啲蒙，请见谅。）
室内装潢型格，晌柔和嘅灯光下，环境就极富情调，设计上用上一啲通花屏风间隔出唔同区域，稍稍加强少少私隐度。而每个座位都加垫咕臣，坐得人颇舒服，整体感觉轻松自在。
先介绍吓主餐牌，类别分咗冷盘、热盘、汤品、意大利饭、意大利面、主菜及甜品，所以，唔食海鲜一样有不少选择。另备有酒餐牌，香槟、红酒、白酒……等近30款餐酒。
既然蚝吧喺主打之一，海鲜及生蚝固然选择多多，从餐牌所见，足有15款生蚝，6款冻海鲜，当然，当日确实有咩时令嘢提供，则需要问问店员。而生蚝嚟自世界各地，如美国、南非、爱尔兰、西班牙、法国等地，定价$58-$78，依家仲买一送一，非常抵食。此外，如一次过想多试生蚝及冻海鲜，又钟意衬杯餐酒，大可「蚝」不犹豫考虑佢哋嘅海鲜拼盘（$568-$1,568）。
自选生蚝及海鲜生蚝、冻海鲜及其他食物，攞个平衡位，拣两款生蚝再搭一只淡水龙虾仔，因为友人未试过依一种龙虾仔。一大盆冰镇即开海鲜，以柠檬角做起点，顺时针数起由淡至浓，分别喺两只西班牙嘅Arousa，中间喺南非嘅淡水龙虾仔，再落嚟喺两只法国嘅Gillardeau。淡水龙虾仔开边，而生蚝开得干净俐落！
食海鲜嘅佐料，有柠檬角、自家制鸡尾茄酱及青芥末酱油，友人话未试过食生蚝沾酱油，小弟更正话，啲青芥末酱油喺用嚟只龙虾仔嘅。
Arousa $65 / 只体形大，肉厚而嫩滑带点黏，但蚝味较清淡，故加少少鸡尾茄酱吊起啲蚝味，而相对海水嘅咸味浓啲，整体喺让人觉得较为轻盈易入口。
Arousa
$65
62 浏览
1 赞好
0 留言
被称得为法国蚝后，绝对唔喺流，所以，轻轻唧丁点柠汁细意品尝，蚝肉口感好爽脆，兼且蚝味重，持久有余韵。
Gillardeau
$78
49 浏览
1 赞好
0 留言
Scampi $160 / 只淡水龙虾仔色泽鲜艳新鲜，虾肉轻易就可以刮出嚟，涂上少少青芥末酱油，令虾嘅鲜甜味更为突出，肉质带点黏，有别一般食虾常有嘅爽弹感觉。
黑松露什菌忌廉汤 $88个黑松露汤一上枱，菌香四溢，除咗因为见到有好多什菌粒外，更因为汤面再加多一抹黑松露油，变得气味更幽香。入口汤嘅质感十分顺滑，汤中菌粒切得幼细，令口感更有层次。跟渺件蒜蓉包，暖暖哋，烘得平均金黄，充满，蒜香。
黑松露什菌忌廉汤
$88
26 浏览
1 赞好
0 留言
白酒煮蚬喺几常见到嘅菜式，而今晚道白酒煮蚬亮点就在于以纽西兰托托蚬入馔，托托蚬非常大只，数一数共有7只，托托蚬浸晌以白酒、罗勒、洋葱粒、蒜粒及车厘茄所做嘅汤汁，色泽鲜明吸引。而蚬只肥大厚肉，食落咸鲜，感觉充满海洋味道，却又渗出淡淡白酒及罗勒幽香，啲蚬果然喺靓货；个汤汁亦唔好错过，绝对可以当汤饮，酸酸甜甜嘅汤汁带出微微嘅白酒香。
白酒罗勒煮蚬
$178
34 浏览
1 赞好
0 留言
露丝玛莉烧原只去骨春鸡 $298主菜中，喺厨师推介嘅菜式之一，虽然喺春鸡，但睇落唔算细只，烧得外皮带焦香而甘脆，食落好有露丝玛莉香味，鸡胸位稍微有啲实净，但脾位真喺好嫩滑；伴菜唔喺啲普普通通嘅薯菜，荷兰串茄喺烤焗过，茄味更浓缩鲜甜，仲有烤蒜、意大利青瓜及黄青瓜、滑溜得紧要嘅薯蓉，睇得出一丝不苟嘅心思。
意大利芝士饼 $88一大件意大利芝士饼，加上少少士多啤梨粒、蓝莓粒、草叶做装饰，外观可以变得好唔同，从横切面可见，件芝士饼饼底用上薄薄嘅海绵蛋糕，中层则改用手指饼去做，但同样浸足咖啡酒，湿润软绵充满咖啡酒香；而夹晌中间嘅马卡风芝士部份做得非常软滑，面层又铺满唂咕粉，充满可可香味。
意大利芝士饼
$88
20 浏览
1 赞好
0 留言
Casa Fina个环境固然幽静好气氛，食物更喺做得好出色，而且，服务非常熨贴，一道菜完咗先接一道菜，亦帮我哋换上新碟食下一道菜，感觉称心，各方面都称得上分毫不差。
张贴
