可可豬椰香海南雞專門店

营业中

休息中

见佢开咗喺附近一排，成日都好多人买外卖，今日终于有机会试啦。海南鸡髀饭（标准版）海南鸡饭油饭味道香浓，唔会太油，食落香料味慢慢喺口入边散出黎，而且拎到返屋企个饭都唔会淋晒，值得一赞。 海南鸡肉质嫰滑，去骨去得好干净，而且份量都好足够，啱晒我呢啲唔想lur骨嘅人。口水鸡饭（标准版）呢个嘅繁体就会系用返普通嘅白饭，不过会配搭埋一个香浓嘅口水鸡汁，所以食落都唔好寡。佢哋用嘅口水鸡辣汁系偏辣嘅，唔食得辣嘅朋友记得唔好叫呢个啦。但系我就好钟意佢𠮶种泰式酸酸辣辣嘅味道，夏天食好开胃。