影片
更多
2022-12-31
131 浏览
年尾出咗双粮即刻同屋企人去食返餐好～一于嚟呢间有名嘅王家沙食（其实系儿时回忆😆细过香港仔有分店成日食）环境好阔落开扬慢慢倾计啱晒❣️精选沪式凉菜拼盘杞子醉鸡充满花雕酒香气、皮蛋豆腐有甜甜嘅酱汁；镇江肴肉扎实得嚟个高汤啫喱又好浓郁；蒜蓉拍黄瓜超开胃；四喜烤麸个汁甜甜地重五香味❣️竹丝鸡螺头炖汤一碗有两大粒螺头汤头够浓郁出菜够晒热最钟意食埋啲炖到好腍嘅瘦肉❣️鸳鸯河虾仁（清炒及黄金）最爱呢味想一路食一路食清炒果边个汁唔会好抢食到虾嘅鲜味黄金果边只只都布满咸蛋黄酱脆浆好薄身食晒都唔会好腻❣️红烧带骨元蹄一上台就有好大阵猪肉香气炆到好够火喉啲肉够晒腍一起就起到旧骨出嚟黑猛猛嘅红烧汁好惹味完全系精髓❣️毛蟹炒年糕好够镬气仲有两只毛蟹够晒睇头❣️金瑶烩菜苗钟意食菜嘅我一个人霸咗四分三碟食瑶柱落得好慷慨菠菜苗好嫩口❣️老坛酸菜鱼 （或者可以简四川麻辣水煮鱼）花椒味好出 啲薯份吸晒啲精华鲈鱼好滑仲配有云耳、芽菜、金菇增加口感❣️招牌蟹粉小笼包皮薄馅靓啲蟹粉份量好足食到啖啖嘅蟹鲜味❣️姜茶汤丸真心好够姜食完之后即刻暖返晒❣️高力豆沙球个蛋白外层做到好fluffy里面嘅豆沙唔会好甜食完都唔会太腻抵赞嘅系因为真心份量好足其实都
年尾出咗双粮即刻同屋企人去食返餐好～
一于嚟呢间有名嘅王家沙食
（其实系儿时回忆😆细过香港仔有分店成日食）
环境好阔落开扬慢慢倾计啱晒
❣️精选沪式凉菜拼盘
杞子醉鸡充满花雕酒香气、皮蛋豆腐有甜甜嘅酱汁；镇江肴肉扎实得嚟个高汤啫喱又好浓郁；蒜蓉拍黄瓜超开胃；四喜烤麸个汁甜甜地重五香味
❣️竹丝鸡螺头炖汤
一碗有两大粒螺头
汤头够浓郁出菜够晒热
最钟意食埋啲炖到好腍嘅瘦肉
❣️鸳鸯河虾仁（清炒及黄金）
最爱呢味想一路食一路食
清炒果边个汁唔会好抢
食到虾嘅鲜味
黄金果边只只都布满咸蛋黄酱
脆浆好薄身食晒都唔会好腻
❣️红烧带骨元蹄
一上台就有好大阵猪肉香气
炆到好够火喉
啲肉够晒腍一起就起到旧骨出嚟
黑猛猛嘅红烧汁好惹味完全系精髓
❣️毛蟹炒年糕
好够镬气
仲有两只毛蟹够晒睇头
❣️金瑶烩菜苗
钟意食菜嘅我一个人霸咗四分三碟食
瑶柱落得好慷慨
菠菜苗好嫩口
❣️老坛酸菜鱼 （或者可以简四川麻辣水煮鱼）
花椒味好出 啲薯份吸晒啲精华
鲈鱼好滑
仲配有云耳、芽菜、金菇增加口感
❣️招牌蟹粉小笼包
皮薄馅靓
啲蟹粉份量好足
食到啖啖嘅蟹鲜味
❣️姜茶汤丸
真心好够姜食完之后即刻暖返晒
❣️高力豆沙球
个蛋白外层做到好fluffy
里面嘅豆沙唔会好甜
食完都唔会太腻
抵赞嘅系因为真心份量好足
其实都食唔晒
本身著店长可以出少两份糖水
点知店长好好咁主动问我地要唔要打包
真系好窝心
张贴
