影片
更多
2011-10-26
357 浏览
因为生日果位朋友仔佢只系钟意食中菜，又少入新界，我同Cobi爸就提议不如入屯门食炭烧乳猪啦~咁就一行8人，浩浩荡荡入屯门!已经系第3次到访，每次都会叫嘅一定系炭烧乳猪、其次系大胜鸡、冰淋酱烤骨、猪肺汤，呢4样已经响之前嘅食评comment过，今次水准依然，所以唔长气啦~日式介未牛柳粒我同Cobi爸食牛肉都系好咀刁，真系好少对街外整嘅牛肉太赞，呢到都唔例外，牛柳啲质素只是一般货色，食唔到有松肉粉，但系同时亦唔见有牛肉味，入口只系知道自己食紧一粒有wasabi味嘅肉粒，冇咩惊喜可言。豉椒味菜炒鹅肠依家好多菜馆都好少供应鹅肠菜式，处理工序又繁复，又要洗得干净，我地D客人先食得放心。呢碟鹅肠炒得非常爽脆，里面的肥羔唔算好多，不过入口就非常惹味，挛挛曲曲嘅鹅肠挂满酱汁，食到个个「索索声」，好得！胆固醇?咩黎架?!柠檬沙律酱蒸乌头呢排同乌头结下不少「仇怨」，盐焗乌头、盐烧乌头、泰式明炉乌头、咸柠檬蒸乌头!柠檬沙律酱蒸乌头?未试过，当然要叫黎试下，以酱汁黎讲几得意，酸酸甜甜颇开胃，不过食唔到有沙律酱味，反而多左D好似红莓响上面，但论鱼嘅质素就麻麻地(咁近元郎都唔入D好野)，虽然冇泥味，不过就唔够大条
已经系第3次到访，每次都会叫嘅一定系炭烧乳猪、其次系大胜鸡、冰淋酱烤骨、猪肺汤，呢4样已经响之前嘅食评comment过，今次水准依然，所以唔长气啦~
日式介未牛柳粒我同Cobi爸食牛肉都系好咀刁，真系好少对街外整嘅牛肉太赞，呢到都唔例外，牛柳啲质素只是一般货色，食唔到有松肉粉，但系同时亦唔见有牛肉味，入口只系知道自己食紧一粒有wasabi味嘅肉粒，冇咩惊喜可言。
豉椒味菜炒鹅肠依家好多菜馆都好少供应鹅肠菜式，处理工序又繁复，又要洗得干净，我地D客人先食得放心。呢碟鹅肠炒得非常爽脆，里面的肥羔唔算好多，不过入口就非常惹味，挛挛曲曲嘅鹅肠挂满酱汁，食到个个「索索声」，好得！胆固醇?咩黎架?!
柠檬沙律酱蒸乌头呢排同乌头结下不少「仇怨」，盐焗乌头、盐烧乌头、泰式明炉乌头、咸柠檬蒸乌头!柠檬沙律酱蒸乌头?未试过，当然要叫黎试下，以酱汁黎讲几得意，酸酸甜甜颇开胃，不过食唔到有沙律酱味，反而多左D好似红莓响上面，但论鱼嘅质素就麻麻地(咁近元郎都唔入D好野)，虽然冇泥味，不过就唔够大条，欠缺左肥美嘅黄油，绝对称不上系一条靓乌头，不过肉质尚可接受，蒸嘅时间都准确，呢味只系紧紧合格。
黄金虾炸得够干身，虾背有界刂左1刀，较易熟同时，亦可以令咸蛋黄味道更容易渗入虾肉中，色泽亦够金黄，咸蛋黄推得够开，每只虾都薄薄地黏上幼滑嘅咸旦黄，香口惹味，虾壳又炸得香脆，好味到叫人忘记咩叫胆固醇呀!记忆中，第1次食黄金虾，都有成over 10年前啦，地点仲记得响北角嘅东窦，一食就惊为天人，不过开始年纪黎，食野方面都要节制下啰~~~
炒唐生菜菜好嫩，唔太咸，又大碟，又够镬气，不过油就多左少少啦…
记忆中，上次嘅服务麻麻地，今次亦唔见有咩大跃进，待应仲好老实同我地讲，D碗筷一定要揾热水冲冲佢呀…咁即系点呀? 叫D客自己带私家碗筷呀? 咁都有嘅? @@
张贴
