安利大排檔 (已結業)

成日见到网上面好多人介绍安利嘅「切腩鱼片捞粗」同「鲜油奶多」，我终于有机会去试吓啦😋 我以为安利咁出名，可能会似澳牛咁要食光速餐。原来都唔系，伙记有礼貌，而且地方比一般茶餐厅干净。虽然要搭枱，但系都唔太迫（同小朋友一齐就另计）我慕各而去嘅「切腩鱼片捞粗」果然冇令我失望！牛腩好腍，又唔肥；鱼片弹牙；粗面爽口冇碱水味，不过豉油味唔太浓。我加左D醋同辣椒油就啱晒自己口味。跟面嘅上汤出奇地好饮，饮完唔会口渴。「鲜油奶多」块牛油真系好厚！我本住肥就肥，食咗先算嘅心态去食。但系可能期待过高，我嘅结论都只系块牛油好厚😅炼奶唔够多，面包又唔系好香。下次唔会再嗌。另外叫咗杯热奶茶。茶底香浓，花奶味亦好足，系一杯好饮嘅港式奶茶。