影片
更多
2023-11-29
931 浏览
好味指数😋😋😋😋😋回头指数 ⭐️⭐️⭐️⭐️开心指数🤗🤗🤗🤗🤗我个人好钟意食烧肉，尤其系高质素嘅牛肉，今次拣咗呢间网上面评价唔错嘅和牛烧肉放题，睇吓掂唔掂先～我同朋友拣咗放题D（$478/120分钟），4款和牛有牛肉眼、牛肋肉、牛里脊肉同埋牛柳粒，当中嘅牛肋肉同牛里脊肉系可以无限添加！所有和牛轻轻烧吓加埋玫瑰岩盐就食得，当然佢仲有多款酱汁可以加落去食。每款和牛都油花均匀，好易咬开，肉味浓，肉嘅质素非常好。另外仲有一大块和牛西冷，店员会帮你烧，可以拣5成或8成熟～同时都有美国同澳洲嘅特选牛肉可以拣，都系好高质！如果不断净食牛肉觉得油腻，可以叫生菜，发挥创意用生菜包住烧肉同其他配料一齐食，我自己就落咗酱汁、烧菇同紫菜条食，你亦都可以叫泡菜盛盒（白菜、青瓜、白萝卜泡菜）包落去，可以减轻单纯食肉嘅油腻感。最后，牛肉方面，唔可以错过嘅系熟成壶渍牛肋肉，呢个壶渍嘅酱汁真系不得了，味道正之余仲令到牛肋肉更松软，非常好食！将D 菇类先浸呢个汁再烧会更加滋味㗎！除咗疯狂食牛肉外，佢嘅海鲜都好正，尤其推介蒜蓉牛油海虾，海虾已经开边，中间夹住蒜蓉牛油同葱，虾肉新鲜爽口，好味！味醂鱼干烧嘅过程好得意，佢会胀大又缩返，
回头指数 ⭐️⭐️⭐️⭐️
开心指数🤗🤗🤗🤗🤗
我个人好钟意食烧肉，尤其系高质素嘅牛肉，今次拣咗呢间网上面评价唔错嘅和牛烧肉放题，睇吓掂唔掂先～
我同朋友拣咗放题D（$478/120分钟），4款和牛有牛肉眼、牛肋肉、牛里脊肉同埋牛柳粒，当中嘅牛肋肉同牛里脊肉系可以无限添加！
所有和牛轻轻烧吓加埋玫瑰岩盐就食得，当然佢仲有多款酱汁可以加落去食。每款和牛都油花均匀，好易咬开，肉味浓，肉嘅质素非常好。另外仲有一大块和牛西冷，店员会帮你烧，可以拣5成或8成熟～
同时都有美国同澳洲嘅特选牛肉可以拣，都系好高质！如果不断净食牛肉觉得油腻，可以叫生菜，发挥创意用生菜包住烧肉同其他配料一齐食，我自己就落咗酱汁、烧菇同紫菜条食，你亦都可以叫泡菜盛盒（白菜、青瓜、白萝卜泡菜）包落去，可以减轻单纯食肉嘅油腻感。最后，牛肉方面，唔可以错过嘅系熟成壶渍牛肋肉，呢个壶渍嘅酱汁真系不得了，味道正之余仲令到牛肋肉更松软，非常好食！将D 菇类先浸呢个汁再烧会更加滋味㗎！
除咗疯狂食牛肉外，佢嘅海鲜都好正，尤其推介蒜蓉牛油海虾，海虾已经开边，中间夹住蒜蓉牛油同葱，虾肉新鲜爽口，好味！味醂鱼干烧嘅过程好得意，佢会胀大又缩返，呢个送酒一流！因为太钟意食牛肉，都未有空间试到豚肉同鸡肉呢～
D餐有包梅酒、清酒、啤酒任饮，自助区有好多款罐装饮品、汽水、8款花茶同3款茶包、咖啡任拣，点都会拣到啱饮嘅嘢！另外仲有白饭、和牛肉燥、紫菜汤、沙律菜同配料、甜品、雪糕雪条、爆谷，选择多到眼花缭乱～ 最得意嘅系牛牛造型棉花糖，估唔到BBQ 必食甜品嚟食烧肉放题都食到！可惜嘅系，咁啱个棉花糖机维修中，我本身好想试玩吓呢～
除咗自助区食品饮品外，系用QR code 落单，方便又环保，食物用烧肉干线列车送到，又快又唔漏单。
环境坐得舒服，抽风做得唔错，食完都唔会一身烧肉味出返嚟，店有提供围裙，著浅色衫都唔怕整污糟！自助食物区好整洁，令人食得好放心，职员服务态度好好，不时会教我哋点样烧会最好食，亦都有时会帮我哋烧，中间主动帮我哋换咗2次烧网，收碟收得好快唔积聚，连唔系侍应嘅收碟姐姐都非常好礼貌。呢间烧肉放题高质又好味，食得好开心！
☆My IG @tracyloveliving ☆
张贴
