影片
更多
2011-01-11
23 浏览
自從添好運榮登米記星之後，它帶起了點心潮流，賣點心既舖越開越多，再加上一d本身已有的老式茶檔，變成總有一間係左右，數量之多令人驚奇。今次並唔係講添好運，而是一間近期都頗為出名的點心舖 ~ 譚點 點心–甜品專門店。它除了堅持做一些古法點心外，亦加入了不少創意，創出不少新奇的款式，令好多後生仔都對之產生興趣，新奇有趣的煮法亦令食物的味道更加深入。除此之外，甜品亦是這間舖頭主打之一，不過款式實在不多，只有幾款。點心款式不多，大部份皆是傳統點心，不過其中一樣令我最深刻的，是那個燒汁煎封燒賣及脆皮蝦餃，無論味道同賣相都十分之好，那粒燒賣煎脆了底部，食落煙煙靱靱，好有咬感。而蝦餃則以炸芋盒的方法酥炸，食落亦都似炸芋盒般，只是將芋盒餡轉做蝦餃餡，但是亦因工夫繁複，好多酒樓已經不做了芋盒了。其實令我有深刻印象的點心並不是只有上面那個，另外還有兩個，一個是章魚肉餅煲仔飯，另一個是馬拉糕。先講馬孻糕，雖然味道唔錯，可是質地都硬硬地，唔係太鬆軟，但為何仍然令我印象深刻，是因為以木盒盛載，我覺得大細剛剛好，好有美觀。而那個章魚肉餅飯則令我大開眼界，平時食這類蒸飯，是用蒸的方法烹調，可是這裡是用火燒的，型式接近
它除了堅持做一些古法點心外，亦加入了不少創意，創出不少新奇的款式，令好多後生仔都對之產生興趣，新奇有趣的煮法亦令食物的味道更加深入。除此之外，甜品亦是這間舖頭主打之一，不過款式實在不多，只有幾款。
點心款式不多，大部份皆是傳統點心，不過其中一樣令我最深刻的，是那個燒汁煎封燒賣及脆皮蝦餃，無論味道同賣相都十分之好，那粒燒賣煎脆了底部，食落煙煙靱靱，好有咬感。而蝦餃則以炸芋盒的方法酥炸，食落亦都似炸芋盒般，只是將芋盒餡轉做蝦餃餡，但是亦因工夫繁複，好多酒樓已經不做了芋盒了。
其實令我有深刻印象的點心並不是只有上面那個，另外還有兩個，一個是章魚肉餅煲仔飯，另一個是馬拉糕。先講馬孻糕，雖然味道唔錯，可是質地都硬硬地，唔係太鬆軟，但為何仍然令我印象深刻，是因為以木盒盛載，我覺得大細剛剛好，好有美觀。
而那個章魚肉餅飯則令我大開眼界，平時食這類蒸飯，是用蒸的方法烹調，可是這裡是用火燒的，型式接近煲仔飯，食到底時，真係有飯焦，而且肉餅結實而不硬，做得唔錯，味道都適中，枱上擺有豉油，屬甜豉油類，所以落了都唔覺得咸，岩岩好，十分欣賞這個飯。
聽見千年蛋牛肉腸呢個名，覺得好得意，想知道咩叫千年蛋，大約都估到唔係皮蛋就係咸蛋的，一上枱，都見唔到有咩蛋係面，咁就試下味，發現真係皮蛋，可是皮蛋份量少得可憐，只有隱隱約約的味道，這個並不好食。
另一個滑蛋煎糯米雞雖然唔係佢首創，不過都唔錯，而且加入了一些新意。要將咁大隻糯米雞用蛋包著煎都幾麻煩，上面還放了很多木魚絲，食落就幾新奇，可是本人覺得木魚絲放得太多了，可以少些許。
其餘的點心不過不失，叉燒飽真的很普通，沒有特別。排骨陳村粉，我嫌味道不夠，蒜味不足，下面墊底的河粉甚麼味都沒有。最後那個上湯灌湯餃就沒有食，不過見佢浸住隻餃，好似唔太吸引，都係鍾意那些沒有湯浸著的，不過朋友話都有好多魚翅在內。
食完咸野，開始食甜野，那個芒果沙律盞味道唔錯，好fresh，用春卷皮炸了做兜，上面盛載著鮮果沙律，味道酸酸甜甜，再在上面淋上芒果汁，味道清新得黎帶可以消減點心的肥膩。
最後，為了一嚐這店的甜品，如何飽都要order了一樽雪蛤薑汁燉鮮奶，奶味香濃，薑味則不太濃郁，整個甜品其實真係唔錯，夠哂滑溜。
這間點心舖都唔錯，可以一試，可是叉燒飽就真係唔好試了，真係太過普通，其實我都有幾樣野好想試，不過由於太飽的關係，放棄了，星星脆魚腸、一口芥辣蝦漢堡和寶島石榴布甸等等，希望下次可以試埋剩下的。
整體黎講，食物味道唔錯，地方舒適，茶葉香味茶味並重，而且杯碟乾淨及精緻。张贴
