福祿壽健康素食

营业中

休息中

喺中环返工，每逢初一十五食晏意食咩都有啲头痛。唔想去cafe食干净净嘅sandwich，又唔想去食一条肉都冇但系贵过正常肉酱pasta嘅意粉，太傻猪。终于系同事介绍客去咗呢一间买外卖，一睇个价钱真系觉得超级抵！两个𩠌$29，三个𩠌$32仲有汤送！𩠌菜都喺厨房度准备，唔会摆出嚟，所以感觉干净好多。外卖嘅嘢仲要全部热辣辣好新鲜。今日我拣咗三个𩠌，真系对到成座山咁高，成个饭盒都满晒！一个女仔食左三份一都已经觉得饱！所以其余嘅我打包留喺今晚食，真系抵上加抵xd我拣咗罗汉斋、酸斋同埋花菇栗子炆莲藕，酸斋够晒开胃，罗汉斋味道唔会太浓，料好足，花菇栗子炆莲藕够晒口感。以后初一十五斋期唔使烦恼噜！