佳記餐廳

营业中

休息中

今年新年要开工要初五后才放假，今日大年初一工作量不多，但老细要去拜年就收得夜啲，唯有叫老婆大人咪煮饭啦，好彩今时今日啲食肆新年都开门，总叫有啖好食唔使挨麦记啦！喺西环卑路乍街附近揾咗呢间{佳记餐厅}，就入去独叹鸡年第一餐晚饭啦，拣咗胜瓜虾球汤饭$59，加8皮有杯冻菜蜜，加埋唔便70蚊可以接受啦！胜瓜虾球汤饭到来时样都四正，内有不少胜瓜及虾球，仲有啲菇菇，而且非常多饭，汤色奶白，唔知味道得唔得呢？先讲奶白鱼汤味道又几够香㖞，胜瓜够淋又索晒啲汤味好正啊，而虾球就爽口又弹牙而且有鲜味质素也不差架，估唔到又几好味㖞！