肉餅哥小炒料理 (已結業)

大围肉饼哥，我间中都会到访。几年前，因为宗教信仰，开始初一，十五食斋，虽然今日唔系初一或者十五，但系坐低左系肉饼哥发现有一个叫做植物肉饼嘅新款式，标榜不含任何猪肉成份，但系口感同真嘅猪肉好相似，于是我就试咗一个麻辣香菇煎素肉饼，一放入口，的确系有点惊喜，可能因为有少少辣味覆盖左，味道的确与真猪肉十分相似，细味下你会发现有少少黄豆的味道，感觉几得意。食完之后我再望一望餐牌，原来这款植物肉饼标榜低脂肪，低卡路里及低胆固醇，决定买一个外卖返去比我阿爸食，话俾佢听呢个系真肉饼，唔知佢信唔信呢？