影片
更多
2019-02-10
361 浏览
其实以前去新蒲岗已经远远望过呢间德国餐厅好多次，唔知点解有种感觉好想去，今日年初三终于有机会去到。时间尚早但系都见到有啲客人已经坐喺出边露天茶座𠮶度食紧野好开心好有气氛，但系我哋入咗室内𠮶度坐啦。咁入到去就唔见我哋原本想叫𠮶个套餐，咁我哋都谂应该系新年可能冇咗，咁我哋就问吓店员啦：店员话冇唔紧要嘅，但系唔使咁倔。😐所以店员讲嘢嘅语气同服务态度就真系有待改善啦～而且去到冇咗个餐，咁我哋冇叫其他嘢饮。餐厅应该主动啲去问我地要唔要水或者帮我地斟。咁我哋叫咗佢斟四杯水，入边有两杯水都系污糟，我哋又要再叫佢换啦。帮我地斟水同主要服务我哋𠮶个服务员态度都算好啲，谦虚。我哋就唯有叫德国猪手、香肠拼盘、墨西哥香葱芝士酱薄饼🧀🌮同埋香草酱烟三文鱼意粉。🍝呢度招牌德国咸猪手。我对佢嘅期望系好高，因为系德国餐厅啰同埋真系食过好味嘅德国咸猪手系一定好🈶️咸香味道，味道好入味。但系呢度就有待改善。佢就切开晒成碟嘅都几方便。咁但系个猪手味道就真系唔够咸味道太淡我都食唔出系咸猪手。唔够入味我食唔到咸猪手嘅感觉。而且猪手嘅外皮应该系同佢嘅外貌相符合即系要脆身，但系佢就冇呢个感觉。同埋佢陪左啲清新嘅酸菜系好事黎嘅，一嚟够
我哋就唯有叫德国猪手、香肠拼盘、墨西哥香葱芝士酱薄饼🧀🌮同埋香草酱烟三文鱼意粉。🍝
德国咸猪手配酸菜及薯仔沙律
$208
43 浏览
0 赞好
0 留言
徳国香肠拼盘
$158
38 浏览
0 赞好
0 留言
香草酱烟肉三文鱼意粉
$128
43 浏览
0 赞好
0 留言
墨西哥香葱芝士薄饼
$88
32 浏览
0 赞好
0 留言
另外佢个德国香肠拼盘我就好钟意因为我好钟意食香肠啦。二来佢都几丰富，同埋德国最出名嘅另一样野就系香肠呀嘛。佢有四款香肠，两种红两种白。首先红色最短圆辘辘𠮶种肠仔我觉得最好味。佢每种香肠一次落去都有惊喜嘅，呢种香肠一切落去就有啲类似咖喱汁嘅嘢爆出嚟，原来佢食落去系辣辣地嘅，啲辣味系冲入去我嘅喉咙都几刺激，可能咁样我就觉得有啲辣到，但系其实我谂佢本身都唔系太辣嘅。但系就因为佢系度入咗喉咙所以就觉得比较辣姐，佢味道都系比较惹味嘅比较突出，另外果只红色香肠佢就正常啦。
另外果两只白色香肠呢。短啲𠮶只呢就有好香嘅香草味啦。我比较钟意呢只。而长身啲𠮶只切落去呢就有啲白色嘅忌廉爆出嚟，类似我谂芝士啦，但系呢只香肠就带啲酸味嘅，咁我觉得就有啲啲唔太习惯，虽然佢系芝士啦，咁所以两者对比起来我钟意食前者多啲。佢每种香肠都好丰富又配埋芥茉酱。我就首先食咗每只香肠嘅原味先嘅，咁之后就再点下佢只易入口嘅芥茉酱啦，咁就有另一种新感觉。喺呢度就一齐上埋个墨西哥香葱芝士薄饼。咁就一啖薄饼一啖香肠啱啱好。𠮶个芝士酱就唔系太食到芝士味反而就好似食紧带有柠檬味薯蓉咁样。
个香草酱烟肉三文鱼意粉份量就几多，不过就略嫌佢太多橄榄油，有啲油腻。
今日心情就..🤯有啲遗憾就系节日冇咗套餐饮唔到芝士奶盖绿茶😢🥺
张贴
