雲泉素食中心

营业中

休息中

上年今日又系去咗食斋, 跟住写食评上载极都上载唔到,整整下成篇稿冇晒, 今年再接再厉, 又去食斋,当然又要做未做完既野啦。坐港铁去到粉岭,跟住转乘小巴,不断有车,只系等咗五分钟, 坐车坐咗十零分钟就到喇,都好方便。一去到即刻排队买飞, 有两条队一条系排散餐, 一条系排套餐, 边排队边谂食乜嘢, 去到刚刚谂完,都好快呀。跟住喺右手边比钱,再在左手边排队等入座。坐低后, 要自己攞碗攞筷子, 白粥白饭任装, 有左上年嘅经验,今年我哋知道要见到佢送出白饭白粥先好攞, 咁就唔使食冻嘅饭同粥喇。佢嘅白粥都好绵, 但系就唔够果皮味。五柳素石斑好大条, 炸得好松脆。上年春卷炸得好松脆同好大件既,今年细件咗同埋炸得有啲油同唔够松。椒盐排骨真系有阵排骨味㗎㖞七彩拼盘呢就麻麻地啦,酸斋就可以啰, 其他𠮶啲都唔系几好味。琵琶鸭我就唔觉得有鸭味啰。红烧豆腐中规中矩啦鲍鱼菇时菜啲菇同菜都ok, 原先谂住呢只菜苗呢会好青味,但佢煮到刚又够熟又唔会太淋,味道比想像中好。翡翠大虾,d虾都有啲似㖞爽爽哋咁啰整体味道唔错,价钱又平,环境又靓,经济实惠啰。