軍記海鮮菜館 (已結業)

其實食物方面無乜大問題，問題係 :1. 無餐牌，得牆上面o既相；2. 無價錢；3. 每人無啦啦收10蚊茶錢，但係D茶係凍；4. 埋單淨係比總數，無比人知每碟餸幾錢；5. 無列明要加二！！ 食左5碟唔飽o既餸，加3支汽水大約450蚊，但係最後收602蚊。點解呢？？收到張單個陣大家嘩左一聲，點解咁貴呢？然後叫佢比返每碟餸o既價錢，先知道原來要收茶錢同加二；隔離枱已經嘈緊，初二都唔洗咁海鮮價，唔通知人就要收茶錢同加二；如果一早講明係無問題，新年大家食飯都係想開心。食完呢次之後，一定唔會再去。