好呷台灣火鍋

营业中

休息中

第二年喺度食开年饭，贪佢有开，嘢食选择多，又唔使加二加三，细佬仲有member有折。因为钟意食牛，所以拣咗最贵嘅「厝内人・吃台北」，可以任食澳洲M5和牛。佢啲冷盘凉菜好啱我口味，少少辣好惹味。个鲍鱼捞起唔知系包埋定另外嗌，因为细佬落单所以唔清楚。钟意食三星葱贡丸，点知嗌咗3转，有2转都嚟咗姜蓉贡丸，咸到癫……佢啲手切封门柳冇平时喺其他舖头食𠮶啲牛味咁浓，跟餐送「轻奢华盛盘」𠮶啲牛肉油脂够又嫩，但任食嘅牛质素亦唔太差。