影片
更多
2018-03-01
1630 浏览
初二晚约左几个相识十几年晚老友，大家带埋啲细路出黎食开年饭，今年好多地方都唔系未开就一系订唔到枱，好在最后比我醒起黄大仙下邨既大排档一定有开，打电话去醉和里订位。三个大人三个小朋友，一人点一菜，例牌比细路点先，唔够先再加单。金菇肥牛沙嗲煲：呢个菜一向都系好好送饭，个汁唔会太杰，又唔太稀，肥牛都唔太老，呢个煮得好好！沙嗲牛仔骨：小朋友真系比较钟意食肉，牛仔骨都整得好好食，个汁较得好好，但我就觉得肉有啲靭蒜蓉豆苗：大多数地方豆苗都好难话炒得唔好食！呢个都一样咁好食😋蚝仔粥：始终唔系正宗潮式食店煮既，点都系较逊色椒盐鲜鱿：我个人一向唔钟意食鱿鱼，所以无食过唔知咩味道，但小朋友食完又再点多次，睇黎应该唔差，但真系咁好食？猪颈肉炒公仔面：呢个公仔面炒得还可以，只系唔够镬气，但都系好食既美极虾：呢个有点中伏了！店员同我地讲又话啲虾好大只，等我仲以为系虎虾之类，点知黎到咁细只，呢碟虾$178，唔抵食！不过见佢都整得几好食就算数啦！豉汁蒸乌头：我最爱食鱼，大多数都会点鱼，条鱼都蒸得好滑，系豆豉多左啲，另外，我睇餐牌时系明明睇到乌头价钱系$88，我又系贪佢好意头，唔知点解张单条鱼变左$128，不过见12
三个大人三个小朋友，一人点一菜，例牌比细路点先，唔够先再加单。
金菇肥牛沙嗲煲：
呢个菜一向都系好好送饭，个汁唔会太杰，又唔太稀，肥牛都唔太老，呢个煮得好好！
沙嗲牛仔骨：
小朋友真系比较钟意食肉，牛仔骨都整得好好食，个汁较得好好，但我就觉得肉有啲靭
蒜蓉豆苗：
大多数地方豆苗都好难话炒得唔好食！呢个都一样咁好食😋
蚝仔粥：
始终唔系正宗潮式食店煮既，点都系较逊色
椒盐鲜鱿：
我个人一向唔钟意食鱿鱼，所以无食过唔知咩味道，但小朋友食完又再点多次，睇黎应该唔差，但真系咁好食？
猪颈肉炒公仔面：
呢个公仔面炒得还可以，只系唔够镬气，但都系好食既
美极虾：
呢个有点中伏了！店员同我地讲又话啲虾好大只，等我仲以为系虎虾之类，点知黎到咁细只，呢碟虾$178，唔抵食！不过见佢都整得几好食就算数啦！
豉汁蒸乌头：
我最爱食鱼，大多数都会点鱼，条鱼都蒸得好滑，系豆豉多左啲，另外，我睇餐牌时系明明睇到乌头价钱系$88，我又系贪佢好意头，唔知点解张单条鱼变左$128，不过见128又系好意头就无出声喇😎但我认为如果系店员可能见我地6个人，帮我拣条重身啲既，咁应该要先通知食客，最好就唔好令人怀疑啦系咪😉
张贴
