開飯主義

营业中

休息中

初次入大埔唔知食乜野好，于是喺openrice揾咗一吓，拣咗呢间，因为位置系中心地带，而且见佢都几多人食，最后都无令我失望。由于第一次去，稳阵起见，叫咗个阿差咖哩鸡扒焗意粉，即系咖哩、鸡扒同意粉，点整都唔会难食嘅组合。等咗大概5分钟就有得食啦，离得远远都感受到𠮶阵啱啱焗好嘅热气，忍唔住即刻开餐，表面有少少新鲜嘅沙律菜，加埋可以拉丝嘅芝士，清新与浓郁互相配合，十分开胃。鸡扒都几大块，外皮香脆，内里肉质嫩滑多汁，唔会太老，意粉硬度刚好，弹牙，唔会太腍，以上两样主角都受到微微辣嘅黄咖哩汁衬托，越食越醒神，天气冻冻地食就最啱。如果喺观塘想食一个类似份量嘅焗意粉，我谂起码要$4X尾，果然新界地区嘅物价真系低一啲。