影片
更多
2010-02-26
728 浏览
中环好多会所饭堂，但唔系间间话入就入，有D要系校友，有D要俾一千几百入会，宁波就亲民D，填张表，$100入会，就系一年会费，不过，食物价钱就唔系咁亲民喇，变番一般会所饭堂价！好似我哋一行6大2细，晌星期六食个晏仔，就成$900，比起晌出面饮餐茶无疑就费咗成倍。话虽如此，既来之则安之，人生总要乜都试吓，况且，哩度静静焗，唔似茶楼又嘈嘈「贡」，有时候都要系静静心好好享受番一餐午饭。既然系姨仔叫哩依度，梗系由佢发办啦，先上个三色拼盘（有海蜇、熏鱼、醉鸡），小笼包，同推介嘅臭豆腐。拼盘做得有水准，海蜇感觉普通D，但熏鱼熏得香口，有肉汁而唔太干，醉鸡好嫩滑，尝到淡淡酒香，啱晒口味；小笼包OK嘅，皮薄，汤汁丰盈，做足基本；臭豆腐真系好耐无食过，今次仲要唔系扫街哩食，晌餐厅食，豆腐上枱时比预期中唔系咁大朕臭味，外型好大砖一旧，外皮炸得好松化，豆腐内依然嫩滑非常，所以一样好食，但始终缅怀晌街边闻到劲「臭」嘅臭豆腐！食完前菜、点心同小食，配个酸辣汤，不过不失，材料及酸辣度足，唔糊口。跟住就系两个小菜：黄金虾、咕噜肉，搭多个宁波炒饭作结。除了个黄金虾够晒惹味咸香之外，另外两个食完令人印象唔会深，好似个宁波
既然系姨仔叫哩依度，梗系由佢发办啦，先上个三色拼盘（有海蜇、熏鱼、醉鸡），小笼包，同推介嘅臭豆腐。拼盘做得有水准，海蜇感觉普通D，但熏鱼熏得香口，有肉汁而唔太干，醉鸡好嫩滑，尝到淡淡酒香，啱晒口味；小笼包OK嘅，皮薄，汤汁丰盈，做足基本；臭豆腐真系好耐无食过，今次仲要唔系扫街哩食，晌餐厅食，豆腐上枱时比预期中唔系咁大朕臭味，外型好大砖一旧，外皮炸得好松化，豆腐内依然嫩滑非常，所以一样好食，但始终缅怀晌街边闻到劲「臭」嘅臭豆腐！
食完前菜、点心同小食，配个酸辣汤，不过不失，材料及酸辣度足，唔糊口。跟住就系两个小菜：黄金虾、咕噜肉，搭多个宁波炒饭作结。除了个黄金虾够晒惹味咸香之外，另外两个食完令人印象唔会深，好似个宁波炒饭，有D似平时食开嘅扬洲炒饭咁，当然材料应该有别（我就无特别去睇吓有咩分别），但感觉好似，所以就觉得佢无咩特别喇。
张贴
