奈良上釜 (已結業)

自哩间釜饭喺铜锣湾开张后一直出现人龙，喺各个社交媒体都睇到好多好评，今晚终于黎到试下，亦系我第一次食釜饭。等左5分钟左右就安排入座，坐低后就睇下食咩好先！但其实黎之前我已经谂好左喇，一心拣定要食蟹盛，因为实在太中意食蟹喇！蟹盛系一个套餐，$298包几款食物，好丰富。第一道上松叶蟹脚，哩个系冷食，蟹肉鲜味，点住柚子醋食好开胃，岩晒夏天食呀！再黎既系另一道热食前菜 - 蟹脚天妇罗，炸到金黄色好香口，炸粉薄食到原条蟹脚肉好味道！最后到主角出场喇！用一个特制既锅装住热辣辣既饭同蟹肉，铺满晒既蟹肉好鲜甜，加埋蟹膏食更浓味。食到底仲有饭焦食好正！仲有个蟹肉蒸蛋、味噌汤同生果，哩个餐好多野食！而我朋友就叫左七盛釜饭，食饭前先食几道小菜。跟餐仲会有碟刺身，鱼同虾都好新鲜呀。七盛釜饭以海鲜为主，有原只新鲜鲍鱼同海虾岩晒中意食海鲜既朋友。哩间餐厅既釜饭用料新鲜，而且香港又冇同类餐厅，难怪见到门口长期出现人龙啦。