土耳其小城 (萬昌樓) (已結業)

餐厅位于元朗广场附近嘅大街上，平日晚上7点几到，店内满座，仲有5-6位客人排队等位，生意唔错。大约等左半个钟先能够入座。餐牌菜色同印度菜好相似，因为第一次黎又系walk-in，就点左个极品咖喱2人餐试下。松化咖喱角一件好大个，皮有d厚，并唔喺好松化，馅料有咖喱薯仔、豆蓉同蔬菜，味道正常。薄荷茶本身有薄荷冰凉嘅味道，加埋冰几消暑，但比较甜。咖喱克勒鸡肉炒饭饭系加左好多香料，干身而且粒粒分明，鸡肉以鸡胸为主，同红萝卜，少量姜一齐切成丝混入饭中。蒜油烤饼烤饼系啱啱整好的，又香又热，但有点厚同外层唔够脆。浮云沙律青瓜、番茄、橄榄、椰菜同黄椒等材料拌以酸甜沙律汁同烟肉碎，份量唔少。乔希牛肉牛肉好冧，酱料用左好多番茄黎煮，味道浓郁但唔辣，捞饭都好好食。