新記煲仔雞粥 (已結業)

啱啱行完千岛湖，朋友带我嚟呢间元朗老字号「新记鸡粥」食晚餐，因时间尚早，大约晚上六点，所以唔使等位，真好。行左半日，一坐低对脚仔舒服晒😆。有啲攰，唔想用脑谂，全部由朋友点菜，我哋两个人点咗四个菜式：蚬介鲮鱼球$52一份六大粒嘅炸鲮鱼球，炸到胀卜卜，外脆内软，配以蚬介酱，好惹味。招牌贵妃鸡粥🐔$52热辣辣，粥底好绵滑，份量亦足，好味，果然系老字号。酥炸鱿鱼须🦑$55鱿鱼须炸得好脆，入面嘅鱿鱼好爽口，唔会好难咬，配可乐，正！菜心一碟$30好抵食，但唔系太饱，因为我哋两个要留肚，去隔离食B仔凉粉😆。