半熟工房 (金馬倫道) (已結業)

是日年廿七，大少迟收工，所以约大少中间点-尖沙咀等，揾食时行经半熟工房，见无人龙，即问大少想唔想试，因为每次都排长龙，因为无人龙，大少当然非常想试~其实我一向都唔系太爱食芝士类食物，只系大少咩都想试，就陪佢食吓~当大少排队买挞，我当然行行企企，最后俾我见到有芝士蛋糕买，年廿八婆婆屋企团年，反正次次大少上去都系买生果，我就提议佢不如今次买蛋糕上去做甜品，佢都话好，不过我开头系想买10个装原味，点知……卖晒，最后就买左5个绿茶、5个原味，屋企人话味道都几香浓，但系唔系最好食，而且绿茶味完全食唔到有芝士味~绿茶半熟芝士挞 - 呢个绿茶味浓过芝士味好多，我比较钟意呢个，不过……比较苦，无原味咁流心原味半熟芝士挞 - 呢壳比较流心，当然，我系最唔钟意呢啲质感，大少话唔系太特别，唔知咩原因可以卖到$22一个，佢唔觉得特别好食，佢啲朋友个个食过都话好食到震我就觉得个挞底唔错，几香，另外芝士我都有食到少少，咸咸地，其实唔系太浓烈芝士味，其实唔错，不过，如果唔系咁流心……我会觉得好味啲~