Papa Joe (已結業)

今个星期六同男朋友出开尖沙咀就系诺士佛台揾咗间南美餐厅，集墨西哥+阿根廷+巴西菜食，就系柯士甸道1号。其实呢呢幢大厦有好多餐厅，今日就拣咗呢间贪佢有气氛，听下歌倾下计，悠闲过番晚。墨西哥蟹肉夹饼🌮 出面通常食到嘅墨西哥夹饼都系配肉类，但系呢度好特别有蟹肉可以拣，咁我哋两个梗系要试吓新嘢啦。呢度嘅夹饼系两件起跳。蟹肉夹饼有牛油果、黄椒、红椒、葱同红椰菜，蟹肉挺新鲜，配合爽脆嘅黄椒青椒，加上牛油果独有嘅口感，整体配合起嚟系一味醒胃嘅菜。炒菠菜🥗 有一点似中式嘅炒菜，有蒜嘅香味。本身菠菜含有丰富嘅铁质，所以想食菜嘅时候黎一碟营养丰富嘅菠菜，系一个唔错嘅选择。牛柳配阿根廷青酱 牛柳梗系要食五成熟🥩，呢度煮得啱啱好，切开时肉芯粉嫩，比起美国嘅牛柳肉味更加浓郁。而且牛柳烧到每一面都微焦，带点炭火嘅香味，肉质入口松软，再配合埋佢嘅阿根廷青酱，清新得来带有软芝士嘅香味，系一个唔错嘅选择。新西兰烤羊架 都一样系烧到每面都有炭火嘅焦香味，七成熟刚刚好，有少少肉汁之余，肉质松软，羊肉又唔会太过膻味，再配上蕃茄黄饭，真系食到舔舔脷。再加上食紧嘅时候， 乐手会走到你张枱同你献唱，佢哋弹住结他唱歌真系好好听，而且