沙拉姆咖喱屋

营业中

休息中

咁大个人都系第一次食印度菜，餐厅既店员系印度人，而且食物味道都有惊喜！成本餐牌好厚好多选择，而因为二人餐最划算，所以我地叫左二人餐。🎈二人餐 $3281.春卷外皮炸得香脆，内里系素菜，蘸上酸辣酱食，味道真系唔错，推介！2.炭烧鸡块鸡块用上香料腌制，好香姜黄味，肉质唔干，已经去骨，食落啖啖肉。3.印度脆饼系一种薄烤饼，食落咸香酥脆，胡椒味好浓，微辣，配有薄荷酱。🎈主菜🐔咖喱鸡咖喱味道较辣，香料及黄姜味重。鸡肉嫩滑无骨，薯仔非常入味🥔用嚟配蒜蓉烤饼食真系劲正❗️🥬蔬菜咖喱配料有车厘茄、红萝卜、豆角、椰菜、磨菇等，哩个咖喱相对冇咁辣，味道微甜。🍚印度黄米饭黄米系一种比较长身嘅饭粒，饭粒分明，烟韧有口感。🫓蒜蓉烤饼烤饼表面好多蒜蓉，好香蒜蓉味，外酥内软，烟烟靭靭，同咖喱真系天作之合❗️如果你嗌咗咖喱，一定要嗌烤饼❗️🥭芒果乳酪及🍌香蕉乳酪芒果乳酪芒果味突出，微酸好饮。香蕉乳酪香蕉味较淡，乳酪味较突出。两杯饮品正好可以中和咖喱既辣味。🎈甜品：香米布丁布丁暖暖地，有啲似西米露，但较杰身，而且椰香味较重，味道较甜。整体黎讲，第一次试印度菜既我真系觉得几满意，而且佢个二人餐都几抵食，有兴趣都可以试下。