影片
更多
2016-04-27
605 浏览
好姊妹外游回港，当然要出嚟见个面，顺便拎手信啦。今次我地仲误打误撞之下入左Verde MAR餐厅，初尝墨西哥菜呀~ 其实当初我地都系未决定食啲什么，正当我地行过Verde MAR时，见到个布置都几特别，再加上见个价钱都唔算贵，所以就决定入去一试啦~ 先嚟一杯米浆，看似有点像杏仁糊，但入口有好香浓嘅米香味，而且都算好甜，所以都几啱我口味呀~ 先嚟米脆片配牛油果酱 - 新鲜自家制墨西哥脆片，真系卜卜脆好香口，再配以新鲜嘅牛油果酱，真系食唔停口。一向我都唔太"好"牛油果，原来咁食法又真系几好味，搅到我有少少钟意左食添~ Chorizo Quesadilla - 墨西哥馅饼配自家制辣肉肠，再加埋牛油果酱，少少辣但又带点牛油果嘅甜，味觉上都几特别~ Chicken Wing Habanero - 依个可以话系挑战我嘅极限，因为系用左全世界第二辣嘅辣椒-Habanero嚟腌制，之后煎封鸡翼。坦白讲...其实真系好辣，不过佢辣得嚟又唔会太抢喉，只系𠮶种辣KEEP好耐都未散~ 嚟到今晚嘅主角 烤仙人掌扒 - 初时都以为仙人掌总系怪怪味，不过食落又几得意，将食用仙人掌加点盐烤，之后加点青柠汁作
其实当初我地都系未决定食啲什么，正当我地行过Verde MAR时，见到个布置都几特别，再加上见个价钱都唔算贵，所以就决定入去一试啦~
先嚟一杯米浆，看似有点像杏仁糊，但入口有好香浓嘅米香味，而且都算好甜，所以都几啱我口味呀~
先嚟米脆片配牛油果酱 - 新鲜自家制墨西哥脆片，真系卜卜脆好香口，再配以新鲜嘅牛油果酱，真系食唔停口。一向我都唔太"好"牛油果，原来咁食法又真系几好味，搅到我有少少钟意左食添~
Chorizo Quesadilla - 墨西哥馅饼配自家制辣肉肠，再加埋牛油果酱，少少辣但又带点牛油果嘅甜，味觉上都几特别~
Chicken Wing Habanero - 依个可以话系挑战我嘅极限，因为系用左全世界第二辣嘅辣椒-Habanero嚟腌制，之后煎封鸡翼。坦白讲...其实真系好辣，不过佢辣得嚟又唔会太抢喉，只系𠮶种辣KEEP好耐都未散~
嚟到今晚嘅主角 烤仙人掌扒 - 初时都以为仙人掌总系怪怪味，不过食落又几得意，将食用仙人掌加点盐烤，之后加点青柠汁作调味，入口有点似青椒，咬落又有点似鲜芦荟，我自己就觉得几好食，仲食左大半碟添...哈哈哈~
Agua Chile Snapper - 腌制过的红鱼刺身再配以青柠汁，进食时再加埋一片青瓜一齐食，既有爽口得嚟又有鱼嘅鲜味，整个感觉都好清新呀~
Shrimp Cocktail Mexicana - 墨西哥特色番茄冻汤，配上其他材料，好似有大虾、牛油果、洋葱、番茄、芫荽、香葱，拌匀后就可以饮啦。冻汤本身已经好清甜，再加埋爽口嘅大虾，同埋一众配菜，真系令冻汤味觉更加层次呀~
Birria Beef Stew with Mexican Rice - 其实系一碟慢煮炖牛肉，由于我唔食牛肉，所以我就冇食到。 不过好姊妹话味道唔错，牛肉个咬口唔会有太多脂肪，炖得够入味又淋呀~
Whole Chargrilled Chicken - 原来墨西哥都有烤鸡，佢仲系即叫即焗，所以每日限量供应，我地真系好彩可以食到今日最后一只..哈哈哈。虽然经过考焗，不过肉质都非常嫩滑，就连鸡胸都非常滑，依个都俾一个赞呀~
嚟到甜品时间，依个墨式香蕉船真系要俾个爆LIKE佢，先将香蕉焗热后变成焦糖状，再配以自家制粟米雪糕一齐食，个粟米雪糕真系好食得唔识形容，既滑滑又劲香粟米味，真系好想再去食呀~
自家制玉桂脆条Churro配朱古力酱 - 同样系自家制嘅玉桂脆条，由于即焗即食，所以特别外脆内软，再配上浓郁朱古力酱，都几香口呀~
开开心心又过左一个晚上，原来墨西哥菜有特式得嚟又咁好食，今晚都真系大饱口福啦！
张贴
