Exotica Gelatea (已結業)

鋪頭座位不多，牆身有不同嘅油畫，燈光比較昏暗，頗有氣氛。唯一缺點應該係即場煎漢堡排，所以油煙會大少少，但新鮮製作更吸引人更難得。食物味道出色，值得一試嘅小店。 平時比較多選擇牛肉漢堡，今次好似係第一次試豬肉漢堡包。Pork Burger Combo Set $107豬肉漢堡用木板上枱，麵包外層烤至香脆，中間鬆軟，份量夠大。豬肉漢堡排比想像中好，多汁厚身，豬肉漢堡配料出色，搭配洋蔥絲、 鹹香煙肉片，再加上蕃茄同生菜，味道不會比牛肉漢堡遜色，口感有不同變化，如果唔食牛肉嘅朋友可以值得一試。有無人同我一樣都是薯條控，Combo Set配薯條。薯條幼身鹽香，熱辣辣夠香脆，份量亦多，總係會忍唔住食晒。