燒肉の牛太・本陣 (創紀之城五期(apm))

营业中

休息中

都唔记得喺第几次来到本阵食烧肉，每次都好满足，但系食完又好内疚，因为每次都系食放题，每次都食到捧住个肚走，美味既肉瞬间转化成身体上可恶嘅肉。 所以今次我决定改食新嘅套餐定食。上级牛肋肉烧肉定食，肉嘅质素一如既往，鲜嫩好味，哩样唔多讲。重点系系放题一定唔会食既野，放系套餐，先会令你知道以前错失左几多美味嘅配搭。 🍖喺度有自助沙律吧，无论食饭之前，定系食到半路，佢嘅蔬菜同埋泡菜，绝对可以做到开胃又清新嘅感觉。 🍖一直以来都知道牛肉同饭喺绝佳既配搭，白饭会中和油腻感，牛肉嘅脂肪，又成白饭既酱汁，倍加饭既香软。但系放题又点会突登叫个白饭吖，套餐既份量就啱啱可以配到。哩度不得不提嘅系佢有个奇迹嘅烧肉粉，哩𠮶来自北海道嘅调味料，食落竟然出奇地好味，其实都有少少似孜然粉嘅感觉。 🍖除左烧肉，平时一直都好想饮既辣海鲜汤，终于都可以叫。汤底嘅难道啱啱好，而且湛入左海鲜嘅鲜味，加上有豆腐同菇类，我直头将个饭倒落去做汤饭。 ✨️有套餐同放题可以拣，我就可以随住心情，仲有一齐去既朋友，随时转换我嘅选择。