Prosit Bar and Restaurant

营业中

休息中

睇食评话呢间野好静，满心欢喜谂住同个朋友嚟饮下酒闲聊下。但呢间野俾想像中多人同嘈。环境比想像中细。可能啲相影出嚟好似好大咁。啲服务几好，啲人几nice。我地叫左两样野一：奥地利式酿芝士火腿猪脊肉睇样好吸引。好期待佢会切出嚟可以拉（芝士）丝，但冇。一开始好好奇佢点样酿个芝士火腿入去啲猪肉到。切开就会发现其实佢系两块猪扒夹住啲芝士同火腿，好新奇。味道方面就一般。我未食过奥地利菜，但呢佢俾我嘅感觉系冇咩调味。可能佢地都著重翻食物本身嘅味道。佢两块猪扒都冇调味，连咸味都冇，要靠芝士同火腿嘅味。肉质方面，觉得煎得较老，唔juicy了，同埋有啲「鞋」。火腿方面呢，唔系平时香港个啲一块块薄片嘅火腿，佢系个啲类似火腿扒，但唔系麦当劳个只。佢系厚啲火腿。其实夹埋一齐食，讲得难听啲，就系三块猪肉同啲芝士二：他他汁炸磨菇。同上面块猪扒一样，粒蘑菇都系冇味嘅。再讲多次，我估奥地利野食可能就系好著重食物原有嘅味道挂。咁相比起上面个碟，我觉得呢碟较好食啦。佢入面系一大粒原粒蘑菇，出面炸左，入面啱啱好，都仲好juicy。你完全可以体会到真正嘅蘑菇味，因为除左蘑菇味之外，冇其他味到会distract都你。系几有趣嘅。