影片
更多
2014-07-18
4925 浏览
早前曾经听闻中环荷里活道附近开左间新嘅法式牛扒店，有人话佢抵食到爆，亦有人话佢无得拣...爱牛嘅我当然唔会放过，立即喺whatsapp 到召集为食团团友出黎享受一下啦由于为食团团友主要都系同事，而我班同事都系轮班工作。为求尽快可以成团，所以今次牛牛为食团一于向午餐时段出发! 上官网睇佢话要五位或以上先可以订位，而咁啱我地今次又有5个人，都系订定位安全啲! 听电话o既系外藉职员，要以英语沟通，职员有礼地介绍午餐包埋甜品及加一服务费，短短几分钟订坐对话都已经感觉到职员好友善，令我更加期待呢一个牛牛午餐!到左当日下午，我地五个大男人浩浩荡荡咁黎到荷里活到同卑利街交界，最令团友印象深刻就系街口嘅公利蔗汁。街口转入卑利街行左几十步就到达La Vache! 门口啦。坐低无耐服务员就递上Drink list同埋冰冻嘅tap water，然后职员就问我地系唔系第一次黎La Vache，然后就简单介绍左佢地间餐厅比我地知认识，最后就问我地 how you'd like your steak cooked? 我地其中一个团友其实想要 rare，不过费事麻烦之下就全部都要medium rare，而职员亦立即
爱牛嘅我当然唔会放过，立即喺whatsapp 到召集为食团团友出黎享受一下啦
由于为食团团友主要都系同事，而我班同事都系轮班工作。为求尽快可以成团，所以今次牛牛为食团一于向午餐时段出发! 上官网睇佢话要五位或以上先可以订位，而咁啱我地今次又有5个人，都系订定位安全啲!
听电话o既系外藉职员，要以英语沟通，职员有礼地介绍午餐包埋甜品及加一服务费，短短几分钟订坐对话都已经感觉到职员好友善，令我更加期待呢一个牛牛午餐!到左当日下午，我地五个大男人浩浩荡荡咁黎到荷里活到同卑利街交界，最令团友印象深刻就系街口嘅公利蔗汁。街口转入卑利街行左几十步就到达La Vache! 门口啦。坐低无耐服务员就递上Drink list同埋冰冻嘅tap water，然后职员就问我地系唔系第一次黎La Vache，然后就简单介绍左佢地间餐厅比我地知认识，最后就问我地 how you'd like your steak cooked? 我地其中一个团友其实想要 rare，不过费事麻烦之下就全部都要medium rare，而职员亦立即系餐纸上写上「M.R.」作记认。
店内环境优雅宁静，虽然当时系午餐时段，但人数唔算多，相信系地点偏僻同埋价钱对午餐黎讲都唔算平民。四周围望下都可以见到唔少巴黎同伦敦名胜嘅画作。听闻呢间餐厅系参照巴黎嘅Relais de Venise L'Entrecote餐厅嘅概念，专系提供单一菜式，咁样佢地就可以提供更加精美嘅食物比我地叹啦！其实之前都去过类似嘅餐厅，仲记得当年去London 人气餐厅 burger and lobster 都系专门提供指定菜式，不过burger and lobster 就起码都有steam or grill lobster, burger 同埋lobster roll 比你拣；仲有一样相似嘅就系人少无得订位，La Vache 要起码五个人先有得订。
Order 落完之后马上送上嘅就香喷喷嘅法包同埋牛油。牛油上有一块纸盖住，打开之后牛油嘅香味即刻散发出黎。呢只香味可以话系膻味，但我觉得系好香好吸引嘅膻味，据了解啲牛油同法包都系由法国直送到香港，唔怪得之咁正啦。唔好讲咁多，一手拎起暖立立嘅面包，再毫不留手咁将软软嘅牛油搽系面包上，再黎个反手一口咬落去... 外脆内软呢四只咁行嘅字都形容唔到，因为再加埋半溶嘅牛油系松软嘅面包，感觉真系唔想停。你话死唔死，净系法包都可以令我地咁受惊，一阵块牛扒黎到你话点算呢? 哈哈
好在，当我地正在为个法包疯癫之时，沙律亦都刚刚送到。沙律系由牛油生菜配轻轻烤过嘅合桃同埋樱桃萝卜片，酱汁方面有olive oil同芥末混合而成。可惜olive oil 方面有啲油益味，有少少影响到个味道。不过都好欣赏佢用牛油生菜，呢只菜嘅菜叶比较厚身，食落好嫩滑鲜甜，再加埋脆脆嘅合桃同酸酸地而且唔会过多嘅酱汁的确系几醒胃。
食完沙律无耐，职员就拎左几个金属架过黎，亦即系话比你知你嘅牛扒将会好快送到!! 果然，系几分钟之后，两只银碟载住5块10oz 嘅 US Prime Rib eye 送到啦。一放上金属架上就用微火座热以保持温度，然后职员就会将一半嘅牛扒放到你嘅碟上。当牛扒分好之后，另一位职员就拎住两碟满满嘅薯条过黎再分比我地每一碟，最后再送上牛扒酱汁同配薯条嘅蛋黄酱，齐晒主菜咁我地就可以开动啦!!
牛扒方面系10oz 嘅 US Prime Rib eye，每件大约一吋厚，职员话佢地好简单用牛油同黑椒腌过下，到烧果阵再落盐。La Vache 嘅牛扒睇起上黎比较黑啲，因为佢系用明火黎烧。虽然外面睇块扒嘅颜色好似好深色咁，但原来入面都系刚刚好medium rare，粉红色而且带少少血! 火喉控制得好之余切开果阵拉刀果下系feel唔到牛扒的肌肉纤维嘅争扎 (可能系把刀够利...) 随牛扒送上一个类似Bearnaise 嘅house sauce，加左蛋黄酱、白醋白酒同香草。不过我紧系唔用个酱住啦，原汁原味放一旧入口先! 我都未试到牛扒个味，身边嘅朋友仔已经开始讲「哇，好正呀」...咬落去，鲜嫩多汁呢个就坚系啦，最重要系非常浓嘅牛肉味连同烧焦嘅香味真系好夹，香味已经直达我味蕾深处；而咬开牛扒果阵只需轻轻力就可以，但绝对唔系松肉粉嘅功效，可见牛扒本身系几咁靓。食第二件果阵我就试下加埋个house sauce，个house sauce嘅少少酸的确系可以将个牛味提升，不过我就比较享受块扒本身嘅牛香。虽然厨师已经将块扒中间嘅脂肪切走，但佢仍然有少少烧焦左嘅油脂香气，不过如果用左house sauce 就可能会被白醋遮盖左呢种油脂香气啦。顺带一提，除左house sauce 之外，呢到都有English mustard提供。
食左几件牛扒，咁就食下香喷喷嘅薯条。金黄色嘅薯条除左有好香嘅薯仔味，仲有牛油味。点解？因为呢到嘅薯仔系用牛脂提炼嘅牛油黎炸。之前我都听过某间steak house 系用鸭油炸薯条，而且仲要炸三次确保香脆。La Vache 有无炸三次薯条我就唔知，不过佢都炸到啲薯条几挺身，而且咬开薯条中间仍然系薯蓉般嘅质感。错误地将薯条点左少少牛扒嘅house sauce，点知原来味道都几夹，自此我就将薯条同house sauce 拼埋左啦哈哈哈可能你地会笑我，但我真系好钟意呢到嘅薯条，我食完牛扒之后都refill 左三次薯条，而我都留意到每一次refill 薯条果阵都要等一阵同埋送上时系热辣辣，职员解释薯条系每次知道要refill 嘅时候先去炸，唔怪得咁正啦。
虽然话呢间餐厅全日都系同一个收费，但系午餐时间系会送甜品的，晚餐时间就要另外order啦。今次送上嘅甜品系vanille ice cream profiteroles (云呢拿雪榚配奶油巧克力小圆酥饼) ，送上果阵成碟当然系冷冰冰啦，但原来佢之后会帮你淋上热朱古力酱上去中间块朱古力上面，之后块朱古力就会好似灵芝咁系中间向下溶。下面有三粒用泡芙包住嘅云呢拿雪榚同合桃碎，每一啖入口前都集齐碟上各种食材就可以充分感受到成个甜品配搭嘅奥妙。软滑平淡嘅云呢拿雪榚加上香浓朱古力，泡芙平衡左个口感同甜味，但最后仲有脆脆嘅合桃碎... 唔驶我讲，你自己幻想下 ^ ^
呢一餐好满足，无论系牛扒定薯条定系其他食物都质素都好好！只提供一种食物嘅餐厅有性格亦有实力，系质素嘅保证。爱牛嘅我系唔会放弃架！ 我会继续揾更加正嘅牛扒！睇住黎啦！
题外话/补充资料：
讲真丫，要自己买一餐一模一样嘅返屋企自己煮，仲要咁嘅质素嘅牛扒，258蚊一定无可能，所以贵唔贵就大家自己心中有数啦。 是次用餐收费 $258+10%=283.8
(以上食记乃用户个人意见 , 并不代表OpenRice之观点。)
张贴
