雲來軒 (已結業)

中菜自己去得多就系大牌档，贪镬气够香，反而酒楼唔多试过，今次屋企人介绍呢间高档既粤菜餐厅，话好多菜色都好值得试。屋企平时食饭前都会饮碗汤先，出黎食饭都想饮多啲汤水补补，唔会咁dry，名厨阿宝靓汤煲得好鲜甜，最正既系佢会俾埋汤料你享用，认真真材实料！ 乳鸽炸到表皮香脆，肉质嫩滑，一啲都唔霉，想叫完一只又一只。金砖豆腐系今日既MVP，虽然好似样样野都系炸物，但呢个真系唔可以错过。薄薄既外层脆浆，内层既豆腐滑溜溜，一啲都唔会老同嚡，好似豆腐花既texture 咁。自己本身对陈皮都几抗拒，但屋企人系咁推荐新会陈皮香酥骨，炸粉唔厚唔会太油，佢蘸既陈皮酱系一个大大既加分位，佢系可以解炸物既油腻感，陈皮香出奇地同香酥骨好夹。最后都系要啲菜黎中和下我呢只食肉兽，杞子花胶浓汤浸时蔬既汤底系精华，白菜仔吸哂个汤既味道，非常鲜甜。