影片
更多
2017-06-06
40 浏览
是日返半昼，可以收1点，所以约咗朋友食下午茶。朋友住系观塘，成日都系工厦捐窿捐罅揾食，今日佢就带我嚟，话呢度啲面包好好味。原来呢间小店主打系手工无添加bagel。之前未食过bagel, 唔知咩嚟，睇墙上黑板上介绍，先知bagel系经水煮完才烤焗，所以口感烟韧。睇完介绍同知道系每日新鲜制作，都想试下, 所以点咗烟三文鱼忌廉芝士bagel配set B。Set B 系一份bagel跟低脂忌廉蔬菜汤同甜品。蔬菜汤好足料，每啖汤都食到唔同蔬菜同鸡肉，味道唔太浓。呢件bagel卖相一流，而且用料足。啖啖都食到烟三文鱼同忌廉芝士，连埋青瓜生菜蕃茄食，都几fresh。而Bagel一如介绍，口感烟韧且扎实，完全唔似连锁面包店啲空气感面包。除咗Bagel出色，估唔到连甜品都有惊喜。呢件74% truffle chocolate cake, 朱古力味好浓，甜中带微苦，食晒成件都唔觉溜。朋友今次介绍得几好, 环境舒适，听住音乐，品尝手工bagel, 都几写意架! 另外，睇得出老板好用心制作每一样食物，单系坚持手工制作同无添加，已经值得再嚟支持。
原来呢间小店主打系手工无添加bagel。之前未食过bagel, 唔知咩嚟，睇墙上黑板上介绍，先知bagel系经水煮完才烤焗，所以口感烟韧。
睇完介绍同知道系每日新鲜制作，都想试下, 所以点咗烟三文鱼忌廉芝士bagel配set B。
Set B 系一份bagel跟低脂忌廉蔬菜汤同甜品。蔬菜汤好足料，每啖汤都食到唔同蔬菜同鸡肉，味道唔太浓。
呢件bagel卖相一流，而且用料足。啖啖都食到烟三文鱼同忌廉芝士，连埋青瓜生菜蕃茄食，都几fresh。而Bagel一如介绍，口感烟韧且扎实，完全唔似连锁面包店啲空气感面包。
除咗Bagel出色，估唔到连甜品都有惊喜。呢件74% truffle chocolate cake, 朱古力味好浓，甜中带微苦，食晒成件都唔觉溜。
朋友今次介绍得几好, 环境舒适，听住音乐，品尝手工bagel, 都几写意架! 另外，睇得出老板好用心制作每一样食物，单系坚持手工制作同无添加，已经值得再嚟支持。
张贴
