岩鹽日本料理 (MOKO新世紀廣場)

营业中

休息中

消费卷又到手啦！开心Shopping 完，梗要医饱个肚仔，系餐厅门口既开放式厨房，已经见师傅煮紧香喷喷釜饭，未食先流口水呀！🇯🇵餐厅主打日本传统釜饭，同煲仔饭相似，但就更高级更精致，仲有各款日式料理，包括刺身、寿司、串烧同天妇罗等等。🥗温泉蛋蟹肉胡麻豆腐沙律滑溜溜嘅豆腐配上鲜味蟹肉，清新又开胃！🍣寿司叫左三文鱼、火炙左口鱼边、芥辣八爪鱼军舰，全部都好新鲜，唔会好细旧，特别钟意蟹肉芝士天妇罗卷，三重口感，好满足呀！🍢串烧好惹味，非常有惊喜，特别推介味噌酱烧黑豚，肉质爽弹，肥而不油，另外烧鸡翼同香辣酱烧翠玉瓜都唔错！🐮和风牛肉釜饭一上枱热辣辣，等到个流沙计完之后，就可以开动啦！材料配搭非常丰富，有嫩滑既牛肉、香甜既栗子、蛋丝、香菇，因为加左上汤炆煮，比较烟韧有饭香，食到底都有少少饭焦，可以加上焙茶、海苔，好似食茶渍饭咁，整体都几出色！🍹火龙果乳酸梳打蝶豆花乳酸梳打饮品颜色好梦幻好靓，味道酸甜解渴，饮完暑气全消呀！