楽壽司 (已結業)

同女朋友拍拖5周年纪念，梗系要同佢食好啲，所以一早订定位同佢食佢最爱既日本料理，仲一早谂好晒食咩, 我呢个男友都算唔话得啦卦！女友之前同我提过话好想试喜之次，因为佢睇过杂志介绍知道喜之次系非常矜贵既顶级鱼，属于鱼中贵族，但因为太贵所以无食过，今晚庆祝周年纪念就一于食豪DD啦! 经备长碳40分钟后，由于极新鲜，食落真仍然肥美，油脂劲丰富，肉质又细嫩， 翅边仲有D半透明既胶质，备长炭味劲香。和牛炒饭炒得够干身爽口，油份唔多唔少，斋闻已经觉得超香，食落更系香口到无朋友，而且和牛份量都几足，几乎啖啖都食到。由两款吞拿鱼同海胆炮制而成的Shoku bomb，层层丰富，口感劲rich，入口即融，好难用言语形容果种滋味，净系知道食完一件又想再食多一件。海胆天妇罗我地两个都系第一次食，原来咁样整法又几过瘾㖞，仍然食得到海胆既鲜甜味，个炸浆好脆薄，咬落好松化，唔油腻，平日只食海胆刺身既女友都话呢种整法有新意。整体而言呢度出品好有质素同诚意，所以话「一分钱一分货」系无错既！