Leonidas (已結業)

以前曾经买过呢间朱古力，一直以为只系卖朱古力，而今天同朋友经过将军澳先发现品牌仲开左间Cafe，望落D食物都好吸引，就忍唔到口拉埋友人一齐入去食少少野。虽然见到有Tea Set 拣，食物+饮品，价钱比较平及化算，不过最后因想食唔同的野，就散叫左1汤1沙律1松饼Share!点左个蓝莓松饼后，店员就叫我地坐底一阵先，之后将微热的松饼送过来。松饼虽然焗过，但不会好干，而且好松软，内有好多烟烟韧韧的蓝莓碎，好食比利时鱼蓉汤，每啖都食到有粒粒的鱼蓉，味道有D似罗宋汤，但较浓郁，仲好惹味 旁边的粟米包，质感亦不错，非常松软!我地仲叫左个沙律，烧南瓜西班牙火腿番茄沙律伴软巴西芝士黑醋汁，先来烧南瓜，好软身，似入口即溶的感觉，不过份量不够多。我最钟意系西班牙火腿，咸咸地的味道，带点甘香细致，好味道! 软巴西芝士味道就好特别，个人觉得夹埋西班牙火腿一齐吃，更突出芝士味 整体都好满意，食物非常好食，加上环境好干净，亦坐得好舒服，我地一边倾计一边慢慢食，真系唔愿离开呀