壹食就醉

营业中

休息中

好耐无同妈妈shopping 今日一于做乖乖女，陪妈妈买、买、买！食、食、食！😁买完嘢，妈妈想去食中菜，上OpenRice搜寻到附近有间中菜馆私房菜，评价都唔错。系金巴利道东南大厦好易揾到，上到一楼，因为属于私房菜形式，我地两人被安排坐在一个厅房，有两张大圆枱同三张四人方枱，坐落好舒服，够阔落。近日天气炎热，Facebook点赞+分享可以送清热五花茶，足料五花茶少甜够冻！👍🏻餐牌上都有好多选择，最后拣左妈妈喜爱嘅炒小菜。绍庆酒烩乳鸽（$138）洋葱丝盖满乳鸽上，嫩滑既乳鸽渗透酒香味！好juicy👍姜葱鱼云煲（$108）鱼云份量好多，略带干身、香浓惹味！妈妈话好好味！😋椒丝腐乳炒通菜（$78）通菜新鲜翠绿，够镬气！好味👍🏻而隔离左右枱系度食火锅，睇见都觉得唔错。