Antoshimo Cafe & Bakery (Mikiki) (已結業)

经过新蒲岗见到呢间店，起初以为只系卖包包，睇真d原来系食冲绳菜。装修环境干净，卡通公仔可爱又色彩缤纷，令人开怀。冲绳菜对我黎讲好有新鲜感，因为未去过，而系旅游节目中最有印象既冲绳野食就系低卡路里既海葡萄，眼见门口有个水箱养住好多海葡萄正呼叫我来！好喇...坐低睇menu喇。识食既，一定order定食套餐，可一次过品尝各式食物，价钱又好合理！海葡萄沙拉- 终于知佢系咩料子啦，食落去清爽，散发海味既芳香，沙拉有少少wasabi味，不会刺激鼻子！寿喜烧清汤手延面- 面条好滑，清清地几好味。水云沙律醋 – 唔肯定水云系咩，似粉丝、发菜一丝丝，酸酸甜甜好清新开胃。苦瓜奄到- 表面似烧饼有少许紫菜沙拉酱，而苦瓜我觉得有少少硬同苦，内存蛋汁几香，都ok既。紫芋年糕炸包 – 最吸引、最好食就系佢喇，外皮香脆一d都唔油，甜味适中，入面既年糕超软超烟韧，不会烫口！饮品-玄米茶正正常常啦，个杯设计拎上手唔觉热。甜品- 黑糖芝妈咪(花生豆腐)质地极奇特别，似年糕又非年糕，绝对唔似平时食既豆腐咁，友人食左一淡就无食，令到我食食下都觉得个口感有d呕心停左手啦！怒我地唔识得欣赏！总括：不妨一试，份量ok，而且几抵食