影片
更多
2022-10-30
1525 浏览
今次一行两人黎到呢间半隐世既泰北菜餐厅夜晚黎到既时候，附近所有舖头已经关门😯泰国菜就食得多，泰北菜真系第一次食😂呢间餐厅每日都会派免费饭200个，长者优先，好有善心🥰留意返，佢地逢星期一休息座位大约二十个左右，不过成晚坐左个几钟都系得我地一台客，真系包场😅一场黎到特色店，所以我地毫不犹豫全部点哂泰北特色小菜✌🏻==========🔹泰北生菜包 $69虽然都系生菜包，但原来泰北既香料系完全唔同架，同平时食开既味道唔一样😛恕我唔识，我净系食到有香茅，红葱头，其他香料我真系讲唔出🤣，不过泰北个味道系会偏浓味少少，入口之后d 辣味先会慢慢走出黎，味道好香😋整体黎讲系好味既，份量适中，价钱算几抵食🤩推介指数：8.5/10==========🔹泰北冬荫鸡汤（细） $79汤既份量大约有2饭碗，鸡肉都有7~8件，份量几足食得出同睇得到既有指天椒，车厘茄，姜片（同平时既姜唔同，上网睇先知原来系南姜），薄荷叶，紫洋葱，至于仲用左咩食材同调味料就唔知了😆汤既味道几鲜甜用浓味，冇平时饮既冬荫功果种酸同辣，系另一种风味😉用既系冰鲜鸡，所以鸡肉冇咩味，但肉质算嫩滑👍🏻如果个汤加椰浆可能会更加香更好饮😛推介指数：7
夜晚黎到既时候，附近所有舖头已经关门😯
泰国菜就食得多，泰北菜真系第一次食😂
呢间餐厅每日都会派免费饭200个，长者优先，好有善心🥰
留意返，佢地逢星期一休息
座位大约二十个左右，不过成晚坐左个几钟都系得我地一台客，真系包场😅
一场黎到特色店，所以我地毫不犹豫全部点哂泰北特色小菜✌🏻
==========
🔹泰北生菜包 $69
虽然都系生菜包，但原来泰北既香料系完全唔同架，同平时食开既味道唔一样😛
恕我唔识，我净系食到有香茅，红葱头，其他香料我真系讲唔出🤣，不过泰北个味道系会偏浓味少少，入口之后d 辣味先会慢慢走出黎，味道好香😋
整体黎讲系好味既，份量适中，价钱算几抵食🤩
推介指数：8.5/10
==========
🔹泰北冬荫鸡汤（细） $79
汤既份量大约有2饭碗，鸡肉都有7~8件，份量几足
食得出同睇得到既有指天椒，车厘茄，姜片（同平时既姜唔同，上网睇先知原来系南姜），薄荷叶，紫洋葱，至于仲用左咩食材同调味料就唔知了😆
汤既味道几鲜甜用浓味，冇平时饮既冬荫功果种酸同辣，系另一种风味😉
用既系冰鲜鸡，所以鸡肉冇咩味，但肉质算嫩滑👍🏻
如果个汤加椰浆可能会更加香更好饮😛
推介指数：7.5/10
==========
🔹泰北酸猪肉炒蛋 $69
根据网上资料，原来酸猪肉主要是要以猪肉、肉皮、糖、盐、蒜和辣椒，加以搅拌均匀，腌制后，包扎密封 经数天的自然发酵而形成特有的酸味肉扎。（来自网站内容）
酸猪肉食起来我又唔觉有酸味😹 如果佢太酸我反而担心佢系变左添🤣🤣🤣
个肉配合埋个炒蛋，整体味道几好，调味适中，好香口☺️
推介指数：7.5/10
==========
🔹鱼+蟹肉红咖喱 $88
可能我真系食唔惯，呢个菜式我真系唔识欣赏🥲
佢系用类似糭叶去盛载住d 鱼肉同蟹肉，将两种肉打成蓉然后混合再用红咖喱去煮熟佢
食到淡淡既红咖喱味道，但系鱼同蟹肉既味道就唔突出🤨
而且份量偏少，唔系咁抵食
推介指数：3/10
==========
🔹椰青1个 $35
==========
呢度全部小菜都会有两片青瓜，半粒车厘茄同芫茜伴碟，绝不马虎☺️
两个人埋单 $340, 唔驶加一
主要系个红咖喱比较失望，其他整体质素都唔错👏🏻
呢度主理既全部都系泰国人，我唔知佢算唔算好正宗泰北菜，但系食落都几岩口味😃😃
张贴
