諾亞半熟蛋糕專門店 (已結業)

诺亚半熟蛋糕刚来港既时候人气非常旺，之后越卖越好，一直开左几间分店，不过我一直怕要排队所以都冇特登买黎食，咁啱今日去完深水埗，经过见到冇乜人㖞，就停低睇下蛋糕啦。店员见我停低睇，都好友善咁同我介绍有咩蛋糕，有半熟蛋糕、溶心芝士蛋糕同蛋卷等，每一款都好似好好食，搞到我停低谂左好耐哈哈😝最后拣左草莓溶心蛋糕，果日仲有特价好似$159咋，店员系帮我pack起既时候问我要几耐先番到屋企，原来系为左准备足够既干冰比我雪住个蛋糕，又讲解下食之前要点处理个蛋糕，真系细心，抵赞😁👍🏻番到屋企急不及待切黎食，原谅我心急影d相不太好哈😝🤓盒面亦有说明介绍蛋糕既食法，入面附有餐具、刀同纸碟，真系欣赏呢d小小既心思。蛋糕面层有士多啤梨同啫喱，而中间当然就系流心既芝士蛋糕啦，底层仲有朱古力蛋糕，材料好丰富，三样都系我既至爱。😋中间一切开，流心效果真系唔错！而且芝士蛋糕既口感好轻盈，完全唔会有好腻既感觉，加埋香甜既士多啤梨味，感觉都几清新，连平时唔钟意食芝士蛋糕既妈妈都赞好食啊😋