囍玥潮州酒家 (已結業)

终于等到开放晚市堂食, 急不及待跟旧同事聚一聚, 公司附近的既潮式酒家, 平时食都唔错, 今次试下晚市先.太耐无堂食晚市, 今晚一于豪一豪佢, 侍应介绍将近失传既潮式名菜, 叫堂灼响螺片, 系潮州菜既手工名贵菜式. 响螺都好大只, 手臂咁长, 侍应先比我地望下, 之后再拎入厨房打烂佢, 隔左一阵, 螺肉已经片好一片片, 每片都好肥大肉厚, 斤两十足. 跟手就响面前帮你灼, 沙煲入面仲放左鸡, 火腿等等既上汤, 轻轻既一灼, 大约八钞左右, 来回拖拉, 熟度刚好, 即刻上碟.一放入口, 口感极爽脆, 无加任何调味, 浓郁既海鲜清甜味慢慢渗出, 非常新鲜, 令人一食难忘.另外仲食左冻花蟹, 又系够大只, 橙红外壳卖相不俗. 冻蟹咬落一丝丝既肉质, 扎实够鲜甜.