香港永年車仔麵茶冰廳

营业中

休息中

早前系永年食过焗猪扒饭，味道唔错留下左对永年既深刻印象。今日路过沙田又心思思想食永年。今次真真正正叫番碗车仔面食下，同女朋友每人叫左一个套餐。佢点左永年大碗面+腐乳通菜+绿茶红豆冰，而我就拣左男神面+生菜猪肠+南乳鸡翼+冻柚子蜜，另外再加多左个麻辣猪耳丝。上菜效率快绝对系抵赞，啲面同小食好快就上哂枱，见到成枱都系野食都觉得自己过份左小小，不过真系有啲饿。继上次食左焗猪，今次就试番佢地既车仔面，男神面入面有既你牛为主，牛筋腩，牛丸，牛柏叶等，另外我再加左鸡翼同炸鱼皮，而辣汁就拣左小辣，味道好就不在话下，所有𩠌菜既味道好夹，特别要赞既系粒牛丸，好爽口弹牙，绝对唔系一般街市货色。跟餐小食叫左碗猪大肠，味道一流配埋生菜。南乳鸡翼上次食过，今次仍然keep住水准。而女朋友叫既大碗面就系咩都有，胜在够份量，每样有啲，满足贪心咩都想试既我地，跟餐有碟腐乳通菜，腐乳味十足。最后既小食系麻辣猪耳丝，佢个辣汁好浓而且杰身，夹起猪耳既时候啲汁会痴住系猪耳，所以食落口会觉得好惹味，绝对系今次既新发现。食左咁多野我地两个饱住离开，好满足！