蔦 (已結業)

五点几同朋友经过海港城，咦之前先话铜锣湾又排队又米芝莲，咁快开到黎仲要唔驶排队㖞！即刻走入去食个early dinner先入到去全部系Bar seat,一系对住个cooking counter一系对街境。首先会有个receptionist比menu你睇，排队落单俾左钱就会有人带你坐低等食。值得一提系我同友人两个入去睇紧menu落单，之后就有强国游客冲入越过我地话要食，结果就打尖仲企喺落单位慢慢磨，最后仲入座先。客人唔识排队，做server或者receptionist冇理由唔识处理姐？我地叫左个类似豚角煮，但用嘅系安格斯牛肉配特制洋葱酱(好似系)，另外一人一碗酱油玉子拉面。呢个好似系48$左右，整体唔错，但又未去到好食到要encore或者有惊喜嘅地步。主角酱油玉子拉面($118)出场。个汤好清好香，闻到多种复杂香味嘅味道。啜返啖先，个汤冇典型d酱油拉面咁重口味咁heavy。再捞埋上面嘅黑松露酱，薄荷叶同洋葱丝食，系好香好fresh好舒服。只蛋系十级溏心，好庆幸自己落单果时有追加返，个蛋黄一入口就化哂喺条脷上便除左叉烧薄同d侍应扣d分之外，其实唔错嘅。