施心畢老撾餐廳

营业中

休息中

大少今日同我食团年饭，我哋去咗食老挝菜。呢一间铺头，大少同我都未曾食过。大少叫咗老挝肉碎太阳见求，见求原来即系紫米加白饭，再配龙眼梳打水。老挝肉碎太阳蛋饭，我见同泰式肉碎饭差不多，都系用肉碎，九层塔同蒜头一齐落去炒，不过就冇辣味，同埋多咗只荷包蛋。大少话个餐好好食，唔知系咪大少肚饿嘅关系，佢觉得个餐份量好少，唔系好够饱。龙眼梳打水，用罐头龙眼加梳打水，冇加糖浆，味道唔系太甜。我就叫咗牛肉老挝汤粉配南姜香茅茶。我叫咗汤粉扣抵，所以张相睇落去，份量唔系太多。我自己觉得个汤底偏咸，但系大少话汤粉应该系咁。个老挝汤粉有少少似幼米线。大少个龙眼梳打水一啲都唔甜，反而我个南姜香茅茶就系甜嘅。我个茶，南姜味同埋香茅味都唔系好够。我唯有当泰国花茶咁饮。我哋仲加咗是拉差牛油鸡翼。个是拉差牛油鸡翼望落去橙橙地，应该系攞是垃差酱去煮。食落去食到有啲辣味，但系又唔系是拉差酱啲味，味道有啲似buffalo wings. 虽然冇乜是拉差味，但大少同我都觉得好好食。虽然我哋嘅食物唔系真系10分好食，但系我同大少都食得好开心，有少少惊喜，所以我决定比好评。