巴巴串

营业中

休息中

今晚去咗一间自转串烧放题餐厅，串烧食得多，但系自助串烧真系第一次体验，感觉好新鲜！每张枱都有一个自转串烧机，完全唔使担心烧焦，真系好方便。如果唔想自己烧，仲可以直接落单，有专人即烧送到你枱，服务一流。食物方面，选择非常多样化！首先，安格斯牛的质素非常高，无论系牛板腱、牛仔骨定牛粒，味道都好浓郁，肉质鲜嫩，每一口都好满足。皇室无激素猪腩肉亦都唔错，肉质滑嫩，入口即化。至于其他选择，鸡泡鱼干味道特别，海鲜方面的鲜甜扇贝令人惊喜，口感非常好。最后，脆炸榴梿波波更系一个意外惊喜，外脆内滑，味道独特，食完又想再食多几个！除了肉类，仲有各式各样嘅蔬菜、熟食、甜品、饮品同埋雪糕，都系可以任饮任食。