泰國大城船麵

营业中

休息中

因为男朋友话未食过船面，于是琴日带咗佢去铜锣湾呢间泰国船面餐厅食饭，一入到去睇睇餐牌，已经发现有好多各式各样嘅泰式菜式，好似有生菜包、海南鸡饭、泰式炒鲜虾金边粉等等，当然唔少得就系佢餐厅主打嘅船面啦，我哋就拣咗两个船面同埋生菜包，首先系佢嘅大城招牌船面，呢个船面佢嘅配料有鸡蛋、猪肉丸、猪润、肉片、牛丸、仲有安格斯牛，非常足料，而且去佢嘅安格斯牛，入口松软，牛味十足，非常好味，而我男朋友就拣咗海南鸡船面，我哋都一致认同佢嘅船面汤底非常浓郁，应该厨师喺汤底度落足功夫，一啖面一啖汤，令我感受到有喺泰国食船面嘅风味，而海南鸡方面，系无骨嘅海南鸡，鸡肉非常之咁滑，至于生菜包，亦食得出泰国嘅味道，可见呢一间泰国餐厅五脏虽小，但内有干坤，食完野点可以唔饮番杯野呢，佢依间餐厅仲有唔同嘅泰国嘢饮，好似有泰式奶茶、椰青、泰式梳打青柠等等，总括而言，如果大家未食过船面，可以去呢一间试吓，包你一试爱上船面， 如果食过船面，都好啱你，因为佢可以俾你有喺泰国食船面嘅风味。